ឡុង រ៉ាមី សុំត្រឹមពាក់កណ្ដាល បឺត ខាំ ក៏អស់ចិត្តដែរ

2018-04-10 09:20:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករស្រករក្រោយ ឡុង រ៉ាមី ថាសម្រាប់ Idol ក្នុងដួងចិត្តរបស់គេនោះគឺ អតីតអ្នកប្រដាល់សម្បូរស្នៀត បឺត ខាំ ហើយនៅពេលអនាគតសុំត្រឹមពាក់កណ្ដាលជើងខ្លាំងរូបនេះក៏អស់ចិត្តដែរ។

កីឡាករ ឡុង រ៉ាមី(ខៀវ)

ឡុង រ៉ាមី ប្រាប់ថា ក្នុងចំណោមអ្នកប្រដាល់នៅស្រុកខ្មែរទាំងអស់ គឺស្រឡាញ់ពេញចិត្តអតីតកីឡាករ បឺត ខាំ ហើយក្ដីស្រមៃរបស់ខ្លួនចង់ធ្វើឲ្យបានពាក់កណ្ដាលជើងខ្លាំងរូបនេះក៏អស់ចិត្តដែរ។ អតីតអ្នកលេងគុនខ្មែររូបនេះ មានចំណុចពិសេសជាច្រើនដែលខ្លួនពេញចិត្តរួមមាន គឺរហ័ស សំបូរស្នៀតប្រយុទ្ធល្អៗ ឆ្លាតក្នុងការវ៉ៃ។

អតីតកីឡាករ បឺត ខាំ

បច្ចុប្បន្ននេះ រ៉ាមី ក៏ពុងព្យាយាមហ្វឹកហាត់ស្នៀតល្អៗទាំងនោះតាមរយៈវីដេអូប្រកួតចាស់ៗ និងធ្វើតាមមួយចំនួនផងដែរ នាពេលដែលខ្លួនឡើងប្រកួតតាមសង្វៀននានាកន្លងទៅ ហើយពេលខ្លះក៏ធ្វើបានល្អ ពេលខ្លះទៀតក៏ធ្វើមិនទាន់បានល្អ។

កីឡាករ ឡុង រ៉ាមី

ឡុង រ៉ាមី ជាអ្នកប្រដាល់មកពីក្លឹបខ្លារខិនមានរិទ្ធិ មកពីខេត្តកំពង់ឆ្នាំង ហើយគេជាបេក្ខភាពម្នាក់ដែរ ដែលធ្លាក់ចេញពីកម្មវិធីពានរង្វាន់របស់សង្វៀន TV5 តាំងពីជុំទី១មកម្ល៉េះ៕

អត្ថបទ៖ នួន ស៊ីណា