មិនបាច់លេខសម្ងាត់ អាចប្រើ Face ID Login ចូលកម្មវិធី iPhone X បានយ៉ាងងាយ

2018-04-15 03:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើអ្នកប្រើកម្មវិធីមានលេខសម្ងាត់លើ iPhone X ហើយពិបាកត្រូវចាំឈ្មោះ និងលេខសម្ងាត់កម្មវិធីនីមួយៗ អាចប្រើផ្ទៃមុខ ធ្វើជាលេខសម្ងាត់ចូលប្រើកម្មវិធីជំនួស ដែលមានភាពងាយស្រួល និងលឿនរហ័ស។

រាល់កម្មវិធីដែលអាចប្រើ Touch ID សុទ្ធតែអាចដំណើរការជាមួយ Face ID។

១) ដំឡើង Face ID

ដំបូងអ្នកត្រូវដំឡើងមុខងារ Face ID។

២) បើកកម្មវិធីមានលេខសម្ងាត់

ទាញយកកម្មវិធី ដែលតម្រូវប្រើលេខសម្ងាត់។ ចុចលើប៊ូតុង Sign In > បញ្ចូលឈ្មោះ និងលេខសម្ងាត់។ វានឹងបង្ហាញជម្រើស Sign In។ ចុចប៊ូតុង Enable និង Confirm ដើម្បីបញ្ជាក់ពីការប្រើ Face ID។ បន្ទាប់ពីនេះ Face ID នឹងផ្ទៀងផ្ទាត់ពេលអ្នកត្រូវការ Sign In ចូលកម្មវិធីនេះ។

៣) ផ្ទៀងផ្ទាត់លេខសម្ងាត់រហ័ស

កម្មវិធីមួយចំនួនបង្ហាញជម្រើស Face ID មុនពេលអ្នក Sign In ទៅទៀត។ Enable រួច Sign In។ ពេលក្រោយអ្នក Sign In ចូលកម្មវិធី នឹងឃើញផ្ទាំងសួរបើអ្នកអនុញ្ញាតឲ្យវាប្រើ Face ID > ចុច OK ហើយ Face ID នឹងផ្ទៀងផ្ទាត់អ្នកចូលប្រើ។

៤) ចុះបើអ្នករំលងជម្រើសនេះពីមុន

បើអ្នកបានរំលងជម្រើសប្រើ Face ID ឬ Touch ID អាច Sign In ចូលកម្មវិធីប្រើលេខសម្ងាត់ដូចធម្មតា រួចបើកផ្នែក Settings។ បើកម្មវិធីអាចប្រើ Face ID ឬ Touch ID អ្នកគួរតែឃើញជម្រើសមួយដើម្បី Enable មុខងារនេះ។ ចុចបើកដំណើរការ > ពេលក្រោយ អ្នក Sign In នោះ Face ID នឹងបង្ហាញផ្ទៀងផ្ទាត់។

៥) ដំណើរការមុខងារក្នុងកម្មវិធី

កម្មវិធីមួយចំនួនទៀត អ្នកប្រហែលមានប្រើវិធីសាស្ត្រផ្ទៀងផ្ទាត់ជាច្រើន ដូចជា PIN និង លេខសម្ងាត់។ អ្នកស្វែងរកផ្នែក Settings សម្រាប់កម្មវិធីនោះ > បើកជម្រើសសម្រាប់ Face ID។ ពេលក្រោយអ្នក Sign In មុខងារ Face ID នឹងផ្ទៀងផ្ទាត់អ្នក។

៦) បើកដំណើរការមុខងារក្នុង Settings

បើដឹងថាកម្មវិធីអាចប្រើ Face ID ឬ Touch ID តែមិនមានផ្ដល់ជម្រើសបើកដំណើរការក្នុង Settings អ្នកអាចបើកកម្មវិធី Settings > Face ID & Passcode > បញ្ចូលកូដសម្ងាត់។ រួចចុចលើជម្រើស Other Apps > បើកម្មវិធីស្ថិតក្នុងបញ្ជីតែ Face ID មិនបើកដំណើរការ ចុចប៊ូតុងក្បែរឈ្មោះកម្មវិធីដើម្បីបើក។ ពេលអ្នកចូលកម្មវិធីម្ដងទៀតមុខងារ Face ID នឹងអាចប្រើបាន៕