លាភ រដ្ឋា ធ្វើស្រែចម្ការបានផលតិច ឆ្លៀតមកប្រដាល់រកលុយបន្ថែម
- 2018-04-11 03:09:42
- ចំនួនមតិ 0 | ចំនួនចែករំលែក 0
លាភ រដ្ឋា ធ្វើស្រែចម្ការបានផលតិច ឆ្លៀតមកប្រដាល់រកលុយបន្ថែម
ចន្លោះមិនឃើញ
អ្នកលេងគុនខ្មែរ លាភ រដ្ឋា ថា របរធ្វើស្រែ ធ្វើចម្ការ បានចំណូលមិនទៀងទាត់ ជួនបានតិច ជួនបានច្រើន ដូច្នេះមានតែឆ្លៀតហាត់ប្រដាល់ចាប់អាជីពនេះបន្ថែមទៀត គ្រាន់ចិញ្ចឹមជីវិត ជួយជីវភាពបានមួយកម្រិត។
លាភ រដ្ឋា ប្រាប់ឲ្យដឹងថា បច្ចុប្បន្ននេះរូបគេជាកសិករមួយរូបនៅបន្ទាយមានជ័យ ដល់រដូវធ្វើស្រែ ធ្វើស្រែ ដល់រដូវធ្វើចម្ការ ធ្វើចម្ការ ប៉ុន្តែរបរមួយនេះមិនសូវជាកាកកបនោះឡើយ ពោលឆ្នាំណាអំណោយផលទៅក៏ទទួលបានច្រើន ឆ្នាំខ្លះក៏មិនសូវបានផងដែរ។ នៅរដូវវស្សាគឺចាប់ផ្ដើមធ្វើស្រូវ ហើយនៅរដូវប្រាំងចាប់ដាំដំឡូងបន្តទៀត។
អ្នកប្រដាល់វ័យ២៤ឆ្នាំខាងលើបន្ថែមថា ដោយមានពេលទំនេរពីកិច្ចការស្រែចម្ការ ក៏ឆ្លៀតមកហាត់ប្រដាល់ ហើយឡើងប្រកួតដើម្បីទទួលបានកម្រៃមួយផ្នែកទៀត ក្នុងការដោះស្រាយជីវភាពក្រុមគ្រួសារ។ ចំពោះអាជីពឈឺខ្លួននេះ កីឡាករខាងលើក៏ប្ដេជ្ញាខំប្រឹងជាបន្តទៀតដែរ ដើម្បីបានល្បីឈ្មោះ និងមានតម្លៃខ្លួនខ្ពស់ថែមទៀត។
លាភ រដ្ឋា អ្នកប្រដាល់មកពីក្លឹបដីឡូតខេត្តបន្ទាយមានជ័យ ចូលប្រឡូកក្នុងវិស័យប្រដាល់តាំងពីឆ្នាំ២០១៦ មកម្ល៉េះ ហើយបច្ចុប្បន្នជាបេក្ខភាពម្នាក់ឡើងទៅជុំទី៣ (៨នាក់) ចុងក្រោយ នៃពានរង្វាន់ TV5 ក្រោយយកឈ្នះ ឈុត សេរីវ៉ាន់ថង កាលពីសប្ដាហ៍មុននេះ ៕
វីដេអូប្រកួត