'Veronica' រឿងភ័យរន្ធត់របស់ Netflix បន្លាចអ្នកមើលរហូតឈប់មើលពាក់កណ្ដាលរឿង

2018-04-11 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងប្រភេទលងបន្លាចរបស់កម្មវិធី Netflix បានធ្វើឲ្យមនុស្សគ្រប់គ្នាមានការចាប់អារម្មណ៍ខ្លាំងដោយរឿងមួយនេះ បានធ្វើឲ្យរាល់អ្នកទស្សនាមានការភ័យខ្លាចខ្លាំងរហូតមិនហ៊ានមើលដល់ចប់សាច់រឿង។

រឿង 'Veronica' ជាខ្សែភាពយន្តរបស់ប្រទេសអេស្ប៉ាញ បានធ្វើឲ្យទស្សនិកជនជាច្រើនបានបញ្ចេញអារម្មណ៍ភ័យខ្លាចរបស់ពួកគេលើបណ្ដាញសង្គម Twitter គ្រប់ៗគ្នាខណៈកំពុងទស្សនារឿងមួយនេះ។

រឿងប្រភេទខ្មោចលងបន្លាចមួយនេះដែរ ជាសាច់រឿងក្នុងឆ្នាំ ១៩៩១ ដែលនិយាយពីក្មេងស្រីម្នាក់ដែលបានលេងក្ដារ Ouija ដើម្បីទាក់ទងដួងព្រលឹងមនុស្សជាទីស្រឡាញ់របស់នាង អំឡុងពេលមានសូរ្យគ្រាស។ ក្រោយមក ហេតុការណ៍អាក្រក់ក៏បានកើតមានឡើង ដោយមានដួងព្រលឹងបិសាចបានបង្ហាញខ្លួនក្នុងផ្ទះ មកលងបន្លាចនាង និងប្អូនៗ។

បើតាមវិបសាយ The Sun បានឲ្យដឹងថា រឿង 'Veronica' នេះដែរ ជាខ្សែភាពយន្តដកស្រង់ចេញពីរឿងពិត ដោយក្នុងឆ្នាំ ១៩៩២ ប៉ូលិសនៅទីក្រុងMadrid បានដាក់ការស៊ើបអង្កេតពីអាថ៌កំបាំងនៃការស្លាប់របស់ក្មេងស្រីដែលលេងក្ដារ Ouija រូបនោះ។ ហើយករណីមួយនេះដែរ នៅមិនទាន់រកឃើញមូលហេតុនៅឡើយទេ៕

ទស្សនាវីដេអូខ្លីនៃរឿងនេះខាងក្រោម៖