មុននេះ Apple ទើបអស់ជាង ៥០០លានដុល្លារ ក្រោយចាញ់ក្តីរឿងប៉ាតង់ក្រុមហ៊ុនមួយ
- 2018-04-11 08:18:52
- ចំនួនមតិ 0 | ចំនួនចែករំលែក 0
មុននេះ Apple ទើបអស់ជាង ៥០០លានដុល្លារ ក្រោយចាញ់ក្តីរឿងប៉ាតង់ក្រុមហ៊ុនមួយ
ចន្លោះមិនឃើញ
តាមសារព័ត៌មាន Bloomberg បានរាយការណ៍មកថា តុលាការនៅក្នុងរដ្ឋតិចសាស់ បានបញ្ជាឲ្យក្រុមហ៊ុន Apple បង់ជាប្រាក់សំណងប្រមាណ ៥០២.៦ លានដុល្លារ ទៅឲ្យក្រុមហ៊ុន VirtnetX ក្នុងជម្លោះប៉ាតង់ប្រើប្រាស់កម្មវិធី Facetime និង iMessage ។
ជម្លោះនេះមានរយៈពេល ៨ឆ្នាំ ពោលគឺតាំងតែពីឆ្នាំ ២០១០ មកម៉េ្លះ ដោយក្រុមហ៊ុន VirtnetX បានចោទ Apple បានរំលោភលើប៉ាតង់របស់ខ្លួន។ ក្នុងឆ្នាំ ២០១២ VirtnetX បានយកឈ្នះ Apple ដោយតុលាការតម្រូវឲ្យ Apple បង់ជាប្រាក់ចំនួន ៣៦៨លានដុល្លារ។ ក្នុងឆ្នាំដដែល VirtnetX ក៏ឈ្នះ Apple ក្នុងបណ្ដឹងប៉ាតង់មួយទៀត ដោយទទួលបានសំណងជាង ៣០០លានដុល្លារ។ នៅចុងឆ្នាំ ២០១៧ VirtnetX បានយកឈ្នះ Apple ម្ដងទៀតក្នុងបណ្ដឹងប៉ាតង់លើការប្រើកម្មវិធី Facetime និងកម្មវិធីរបស់ iOS ដោយ Apple ត្រូវបង់ប្រាក់ ៤៣៩.៧ លានដុល្លារ។
គួរបញ្ជាក់ផងដែរថា ក្រុមហ៊ុន VirtnetX ជាក្រុមហ៊ុនផលិតកម្មវិធីដែលមានមូលដ្ឋាននៅទីក្រុង Zephyr Cove រដ្ឋ Nevada សហរដ្ឋអាមេរិក ដែលយកការប្ដឹងពីការរំលោភប៉ាតង់ជាមុខជំនួញតែម្ដង។ ក្រុមហ៊ុននេះកាន់ប៉ាតង់ជាច្រើន ដែលក្រុមហ៊ុនយក្សនានាកំពុងរំលោភបំពាន ដូចជា Microsoft និង Apple ដែលគ្រាន់តែប្រាក់ពីការប្ដឹង Apple តែមួយប៉ុណ្ណោះ ធ្វើឲ្យក្រុមហ៊ុន VirtnetX រកបានជាង ១ពាន់លានដុល្លារ បាត់ទៅហើយ។
ចំណែកឯតុលាការ នៅរដ្ឋតិចសាស់វិញ ជាតុលាការមួយដែលមានជំនាញខាងដោះស្រាយបញ្ហាប៉ាតង់ទាំងអស់នៅក្នុងសហរដ្ឋអាមេរិក។ តែឆ្នាំមុនតុលាការកំពូលបានចេញសេចក្ដីសម្រេចចិត្តថា អ្នកប្ដឹងមិនអាចរើសទីតាំងនៃតុលាការបានតាមចិត្តទៀតទេ។
ចាំមើលថា Apple សុខចិត្តខាតជាង ៥០០លានដុល្លារទៀត ឬមួយក៏មានការប្ដឹងបកឬមួយក៏យ៉ាងណា សូមតាមដានជាមួយ Sabay ទាំងអស់គ្នា៕
ចុចអាន៖