កក្រើក YouTube យប់មិញ Hacker ចូលលួចវាយប្រហារបទចម្រៀងល្បីបំផុត Despacito

2018-04-11 03:30:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីមានហេតុការណ៍បាញ់បោះ បណ្ដាលឲ្យមានអ្នករបួសក្នុងការិយាល័យកណ្ដាលរបស់ខ្លួនហើយនោះ កាលពីយប់មិញនេះ YouTube បានជួបរឿងឈឺក្បាលមួយទៀត គឺក្រុម Hacker បានចូលទៅលុកលុយវីដេអូមួយចំនួនរបស់តារាចម្រៀងល្បីៗ ព្រមទាំងវីដេអូដែលមានអ្នកមើលច្រើនជាងគេបំផុតលើលោកដែរ គឺបទ Despacito របស់តារាចម្រៀង Luis Fonsi និង Daddy Yankee។

វីដេអូបទចម្រៀងដែលមានការចុចមើលជាង ៥ ពាន់លានដងនេះ ត្រូវបាន Hacker បំបាត់ចេញពី YouTube ហើយជំនួសដោយរូបភាព ក្រុមខ្មាន់កាំភ្លើងមួយក្នុងរឿង Casa de Papel របស់ Netflix។ មិនត្រឹមតែប៉ុណ្ណោះ ក្រុម Hacker ក៏បានកែចំណងជើងវីដេអូនោះផងដែរ ហើយបានហៅឈ្មោះខ្លួនឯងថា Prosox and Kuroi'sh។

មិនមែនតែ វីដេអូរបស់តារាចម្រៀង Luis Fonsi និង Daddy Yankee ប៉ុណ្ណោះទេ ដែលត្រូវបានគេ hack ក្នុងនោះ វីដេអូចម្រៀងរបស់ Chris Brown, DJ Snake, Shakira, Drake, Selena Gomez, Katy Perry និង Taylor Swift ក៏ត្រូវបានគេ hack ផងដែរ។ វីដេអូទាំងអស់ដែលគេ hack បាន គឺស្ថិតនៅក្នុង Channel របស់ Vevo។ ប៉ុន្តែ គេមិនបានដឹងច្បាស់ថា តើ Hacker បាន hack ចូល Vevo channelទាំងមួល ឬក៏គេបាន channel របស់តារាទាំងនោះផ្ទាល់ខ្លួន តែម្ដងនោះទេ។ ប៉ុន្តែ មាន hacker ម្នាក់នៅក្នុងក្រុមនោះចេញមកអះអាងថា ពួកគេប្រើ Script ដើម្បីកែចំណងជើងវីដេអូ។

អ្នកតំណាងរបស់ Vevo បានចេញមកបញ្ជាក់ថា " វីដេអូនៅក្នុង Channel របស់យើងមួយចំនួនពិតជាត្រូវបាន hack ពិតមែន។ ពួកយើងកំពុងព្យាយាមយកវីដេអូទាំងនោះមកវិញ ហើយដាក់ឲ្យវាដំណើរការដូចដើម។ យ៉ាងណាមិញ ពួកយើងក៏នឹងបើកការស៊ើបអង្កេត រកចន្លោះប្រហោងដែលធ្វើឲ្យ Hacker អាចចូលលុកលុយក្នុង Channel យើងបានដូចគ្នាដែរ " ៕

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ