Range Rover ២០១៨ ស៊េរីថ្មី បច្ចេកវិទ្យាឡើងអេម តែតម្លៃវិញចង់ស្លុត (មានវីដេអូ)

2018-04-11 09:08:19
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងឆ្នាំ ២០១៨ នេះ ក្រុមហ៊ុនឡានប្រណីតរបស់ប្រទេស អង់គ្លេស Land Rover បានបញ្ចេញរថយន្តប្រណីតប្រភេទ SUV របស់ខ្លួន គឺ Range Rover 2018។ រថយន្តស៊េរីថ្មីនេះ មានការផ្លាស់ប្ដូរផ្នែកខាងក្រៅ ត្រង់ចង្កៀងមុខក្រោយ ដែលជាប្រភេទអំពូល Pixel LED ថ្មីស្រឡាងរត់ដេញគ្នាយ៉ាងស្អាត។ ឯផ្នែកខាងក្នុងវិញ ក៏មានកាផ្លាស់ប្ដូរច្រើនដែរ រួមមានប៊ូតុងបញ្ជានៅខាងទ្វារ អេក្រង់បញ្ជាថ្មី និងបច្ចេកវិទ្យាទំនើបៗផ្សេងទៀត ដែលរថយន្តដទៃមិនទាន់មាន។

នៅក្នុងវីដេអូបង្ហាញលម្អិតខាងក្រោមរបស់ Doug DeMuro Channel លើ YouTube លោកបានយករថយន្ត Range Rover ២០១៨ Supercharged Long Wheel Base (LWB) ដែលមានតម្លៃលក់រាយរហូតដល់ ១២៣ ៩៦១ ដុល្លារ (នៅសហរដ្ឋអាមេរិក)។ ខាងក្រោមនេះ ជាលក្ខណៈពិសេសរបស់ Range Rover 2018 Supercharged LWB៖

ម៉ាស៊ីន ៥ លីត្រ V8 ផ្ដល់កម្លាំងដល់ទៅ ៥២០ សេះ
ភ្លើងក្រហមចង្កៀងក្រោយ អាចប្ដូរពណ៌ទៅជា ភ្លើងស៊ីញ៉ូពណ៌ទឹកក្រូចបាន
មានប្រព័ន្ធសម្អាតកាមេរ៉ាខាងក្រោយ ក្នុងពេលប្រើផ្លិតទឹកសម្អាតកញ្ចក់ក្រោយដួចគ្នា
Power Tailgate ដែលឃ្លុបខាងក្រោយរថយន្តអាចបើក បិទជា ២កំណាត់បានដោយស្វ័យប្រវត្តិ
កៅអីជួក្រោយអាចបញ្ជាឲ្យបិទបើក ពីខាងមុខក៏បាន ពីខាងក្រោយផ្ទាល់ក៏បាន
មានប៊ូតុងសម្រាប់ទម្លាក់កម្ពស់ផ្នែកខាងក្រោយរបស់រថយន្តបាន ពេលចង់លើកដាក់សម្ភារៈនានា
មានសញ្ញាឲ្យដំណឹងដល់អ្នកដំណើរខាងក្រោយថាវាមានសុវត្ថិភាពឬអត់ដើម្បីបើកទ្វារក្រោយ (Blind Spot Monitor for Rear Seats)
ភ្លើងបំភ្លឺក្នុងរថយន្តផ្នែកខាងក្រោយដែលអាចកែសម្រួលសម្រាប់ការអាន ឬប្រើប្រាស់កុំព្យូទ័រ
កៅអីអង្គុយខាងក្រោយអាចកែសម្រួលទីតាំង និងគ្រប់គ្រងសីតុណ្ហភាពបានដោយខ្លួនឯង។
ប្រអប់ដាក់សម្ភារៈមាន ២គន្លាក់សម្រាប់អ្នកដំណើរខាងមុខ
ប្រព័ន្ធផ្ដល់ព័ត៌មាន Touch Screen ដែលមានអេក្រង់ភ្លោះលើក្រោម និងលើចង្កូត
ដំបូលកញ្ចក់(Panoramic Sunroof) ដែលលាតសន្ធឹងដល់ខាងក្រោយតែម្ដង

សូមបញ្ជាក់ថា រថយន្តខាងលើនេះជាម៉ូដែល option ដែលមានការបំពាក់បន្ថែមនូវមុខងារថ្មីៗរួចមកជាស្រេច។ ចំពោះតម្លៃគោលរបស់ Range Rover 2018 តាមម៉ូដែលមានដូចខាងក្រោម៖

Range Rover 2018 Supercharged មានតម្លៃចាប់ពី ១១០ ០០០ ដុល្លារឡើងទៅ (ទីផ្សារអាមេរិក)
Range Rover 2018 Autobiographyមានតម្លៃចាប់ពី ១៤៣ ០០០ ដុល្លារឡើងទៅ (ទីផ្សារអាមេរិក)
Range Rover 2018 SV Autobiography មានតម្លៃចាប់ពី ១៧៩ ០០០ ដុល្លារឡើងទៅ (ទីផ្សារអាមេរិក)

ចុចអាន៖

ប្រភព៖ landrover ប្រែសម្រួល៖ ផាត សុវត្ថិ