ប្រដាល់គុនខ្មែរទម្ងន់ធ្ងន់ ឥលូវគ្មានក្លឹបណាស៊ីដាច់ ឆត្រយោង ៩១១

2018-04-11 09:27:04
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ អ្នកនិយមប្រដាល់គុនខ្មែរមានការភ្ញាក់ផ្អើលខ្លាំង ចំពោះសមត្ថភាពកីឡាករទម្ងន់ធ្ងន់ពីររូបរបស់ក្លឹបឆត្រយោង ៩១១ អ៊ុង វិរៈ និង ព្រំ សំណាង ឈ្នះផ្ដួនៗ និងភាគច្រើនផ្ដួលដៃគូសន្លប់ទៀតផង។ ស្របពេលក្លឹបដទៃស្ទើរមិនមានកីឡាករធ្ងន់ ហើយមានវិញក៏សមត្ថភាពប្រកួតមិនសូវដូចកីឡាករពីរនាក់ខាងលើឡើយ។

កីឡាករ អ៊ុង វិរៈ(ក្រហម)

នាពេលបច្ចុប្បន្ននេះ គេឃើញមានតែកីឡាករទម្ងន់ធ្ងន់មកពីក្លឹបឆត្រយោង ៩១១ ដែលបានឱកាសឡើងប្រកួតមិត្តភាពអន្តរជាតិ ជាពិសេសជាមួយថៃ ខណៈការប្រកួតរបស់ ព្រំ សំណាង អ៊ុង វិរៈ គឺល្អមើល និងមានការគាំទ្រ ជាហេតុធ្វើឲ្យពួកគេមានបានឡើងប្រកួតជាហូរហែ។

អ៊ុង វិរៈ ប្រកួតកន្លងទៅនៅ PNN

អ៊ុង វិរៈ បន្ទាប់ពីរៀបការហើយហាក់ឡើងទម្ងន់ខ្លាំងជាង ៨០គីឡូក្រាម រីឯ ព្រំ សំណាង ក៏ឡើងជិតប្រហាក់ប្រហែលគ្នាផងដែរ បើទោះជាឡើងទម្ងន់យ៉ាងនេះ ប៉ុន្តែពួកប្រកួតនៅតែរហ័សរហួន និងផ្លែងធ្ងន់ៗដដែល។ ស្នៀតទាត់ជើងក្រោម ស្នៀតបុកកែង ឬកណ្ដាប់នៅតែមានប្រសិទ្ធភាព។

ព្រំ សំណាង ឈ្នះថៃកាលនៅសង្វៀន TV5

គូររំលឹកថា ប៉ុន្មានខែចុងក្រោយនេះកីឡាករ អ៊ុង វិរៈ និង ព្រំ សំណាង បានឱកាសឡើងប្រកួតជាបន្តបន្ទាប់ មិនថានៅសង្វៀន MYTV CNC បាយ័ន ឬ សង្វៀន TV5 ទេ។ ប្រកួតចុងក្រោយរបស់ វិរៈ ផ្ដួលថៃឲ្យសន្លប់ក្នុងទឹកទី៤ នៅបាយ័នបឹងស្នោ ចំណែក សំណាង ផ្ដួលថៃឲ្យសន្លប់នៅទឹកទី២ នាសង្វៀនបាយ័នស្ទឹងមានជ័យ៕

អត្ថបទ៖ នួន ស៊ីណា