អេ ភូថង នៅតែល្បីក្នុងចិត្ត សម្ដេចតេជោ ហ៊ុន សែន

2018-04-11 07:07:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាបច្ចុប្បន្នវិស័យប្រដាល់គុនខ្មែររីកសុះសាយស្ទើរគ្រប់សង្វៀន និងសម្បូរកីឡាករល្អៗ ច្រើនក្ដី ប៉ុន្តែនៅមិនទាន់មានអ្នកប្រដាល់រូបណាដែលល្បីខ្លាំង ហើយចាំមិនភ្លេចក្នុងចិត្តសម្ដេចតេជោ ហ៊ុន សែន នោះឡើយ។

សម្ដេច តេជោ

ឲ្យតែមានការជួបជុំរបស់សម្ដេចតេជោ ហ៊ុន សែន ជាមួយគ្រួសារកីឡាកន្លងទៅ សម្ដេចតែងតែជជែកលេង និងភាគច្រើននិយាយបង្ហាញឈ្មោះអតីតជើងខ្លាំងប្រដាល់គុនខ្មែរប្រចាំប្រទេសកម្ពុជា លោក អេ ភូថង នៅក្នុងកម្មវិធីទាំងនោះ។ នេះហើយបញ្ជាក់ថាអតីតជើងខ្លាំងរូបនេះ នៅតែល្បីដដែលចំពោះសម្ដេច ដែលមិនទាន់មានអ្នកប្រដាល់ស្រករក្រោយរូបណា ដែលប្រមុខរាជរដ្ឋាភិបាលខាងលើ លើកឡើងចំៗ ក្នុងកម្មវិធីធំជារើយៗដូចនេះទេ។

អេ ភូថង ពេលជួបពិសារបាយជាមួយសម្ដេច

រំលឹកដែរថា លោក អេ ភូថង ជាអតីតអ្នកប្រដាល់គុនខ្មែរល្បីឈ្មោះម្នាក់នៅកម្ពុជា ដែលមនុស្សទូទៅស្គាល់គ្រប់គ្នា មិនថាអ្នកនិយមប្រដាល់ អ្នកសិល្បៈ ឬជាអ្នកលេងប្រដាល់នៅប្រទេសថៃនោះទេ ពោលគឺស្គាល់ច្បាស់តែម្ដង។ ដោយសារសមត្ថភាពប្រកួតកម្រងចាញ់ និងការផ្ដួលដៃគូរាប់ភ្លេចរបស់លោក។ ឥលូវឪពុករបស់ យ៉ានុត រូបនេះជាគ្រូប្រដាល់ជម្រើសជាតិគុនខ្មែរផងដែរ៕