ទៀតហើយ មានករណីផ្ទុះឆេះ iPhone សង្ស័យមកពីប្រើថ្មក្លែងក្លាយ

2018-04-12 01:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ iPhone របស់ស្រ្តីចិនម្នាក់ បានផ្ទុះឆេះក្នុងហាងជួសជុលមួយកន្លែង នៅទីក្រុងសៀងហៃកាលពីថ្ងៃទី ៣ មេសា។

ប្រភពបញ្ជាក់ថា ដំបូងឡើយទាំងជនរងគ្រោះនិងជាងជួសជុលអង្គុយជុំវិញតុមូល ភ្លាមនោះទូរសព្ទក៏ស្រាប់តែផ្ទុះចេញផ្កាភ្លើង ទាំងដែលស្រី្តឈ្មោះ Ren កំពុងកាន់ម៉ាស៊ីនជាប់នឹងដៃ។ Ren បញ្ជាក់ជុំវិញដូច្នោះថា៖ "ពេលនោះខ្ញុំកំពុងនិយាយជាមួយជាង ដោយ iPhone កាន់ជាប់នឹងដៃឆ្វេង ហើយភ្លាមៗក៏ស្រាប់តែផ្ទុះឆេះតែម្តង ក្រោយមកអ្នកគ្រប់គ្រងហាងក៏ប្រញាប់ប្រញាល់បញ្ជូនខ្ញុំទៅមន្ទីរពេទ្យ"។

តាមប្រភពឲ្យដឹង Ren ទំនងជាធ្លាប់ប្តូរថ្មនៅហាងនេះម្តងរួចមកហើយ ប៉ុន្តែរយៈពេល ៤ ខែបន្ទាប់ថ្មក៏ឡើងប៉ោង ហើយរត់មករកកន្លែងដើមចង់ឲ្យជួយពិនិត្យមើល ប៉ុន្តែមិនច្បាស់ថាក្នុងពេលកើតហេតុថ្មដែលផ្ទុះ ជាថ្មចាស់ឬថ្មទើបប្តូរថ្មី ខណៈមិនទាន់មានការបកស្រាយពីសាមីខ្លួនផ្ទាល់នៅឡើយ។