មិនទាន់ដាក់បញ្ចាំងផង "Avengers: Infinity Wars” បំបែកឯកត្តកម្ម១បាត់ទៅហើយ

2018-04-12 09:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចាប់ផ្ដើមបើកឲ្យអ្នកមានបំណងចូលទស្សនាភាពយន្តជាមុន ពេលនេះ "Avengers: Infinity Wars” បានបំបែកឯកត្តកម្មជាភាពយន្តដែលទទួលបានប្រាក់ចំណូលកក់សំបុត្រច្រើនជាងគេបង្អស់ក្នុងប្រវត្តិសាស្ត្របាត់ទៅហើយ។

គិតមកត្រឹមពេលនេះ យោងទៅតាមវិបសាយកក់សំបុត្រភាពយន្ត Fandango បានឲ្យដឹងថា ភាពយន្ត "Avengers: Infinity Wars” បាននាំមុខភាពយន្ត "Black Panther” ជាភាពយន្តដែលទទួលបានប្រាក់ចំណូលពីការលក់សំបុត្រកក់ បានច្រើនជាងគេបង្អស់។ មិនត្រឹមតែប៉ុណ្ណោះ ចំណូលសំបុត្រទិញមុនសរុបចំពោះរឿងនេះគឺច្រើនជាងភាពយន្តចំនួន ៧របស់ Marvel បូកបញ្ចូលគ្នាទៅទៀតគឺ "Black Panther”, “Thor: Ragnarok”, “Spider-Man: Homecoming”, “Guardaians of the Galaxy Vol. 2”, “Doctor Strange”, “Captain America: Civil War” និង "Ant-Man”។

ចំនួនទឹកប្រាក់នេះដែរ គឺច្រើនជាងភាពយន្ត "Furious 7” ក្លាយជាភាពយន្តលក់សំបុត្រកក់បានច្រើនជាងគេប្រចាំភាពយន្តបញ្ចេញខែមេសា ដែលចំនួនទឹកប្រាក់នេះរកបានតាំងពីត្រឹមថ្ងៃទី ២៧ខែមិនាមកម្ល៉េះ។

បើតាមប្រសាសន៍របស់លោក Erik Davis ពី Fandango បានឲ្យដឹងថា "Infinity War” ធ្វើឲ្យមានការកក្រើកដ៏ធំមួយនឹកស្មានមិនដល់ ដែលលោកមិនធ្លាប់ឃើញពីមុនមកចំពោះភាពយន្តប្រភេទវីរបុរស។

យោងទៅតាមការទស្សន៍ទាយទាំងស្រុង ភាពយន្តនេះអាចនឹងរកចំណូលបានជាង ២០០លានដុល្លារតែនៅក្នុងសហរដ្ឋអាមេរិក។ ដោយចំនួននេះគឺមានតែភាពយន្ត៥ប៉ុណ្ណោះអាចទទួលបាន គឺ "Black Panther” ២០២លានដុល្លារ "The Avengers” ២០៧,៤លានដុល្លារ "Jurassic World” ២០៨,៨លានដុល្លារ "Star Wars: The Last Jedi” ២២០លានដុល្លារ "Star Wars: The Force Awakens” ២៤៨លានដុល្លារ។