“A Quiet Place” បើកឆាកជាមួយចំណូល៥០លានដុល្លារ ខណៈ "Black Panther” កើនចំណូលច្រើនជាង "Titanic”

2018-04-09 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្ត "A Quite Place” ដែលចូលរួមសម្ដែងដោយប្ដីប្រពន្ធតារាល្បី John Krasinski និង Emily Blunt បានឈ្នះជាភាពយន្តរកចំណូលបានយ៉ាងច្រើនជាងគេនៅ Box Office ប្រចាំសប្ដាហ៍ ចំពោះចំណូល៥០លានដុល្លារ។

ខណៈនេះដែរភាពយន្តរបស់ Marvel “Black Panther” រកចំណូលបាន ៨,៤លានដុល្លារបន្ថែមទៀត ធ្វើឲ្យភាពយន្តនេះរកចំណូលបានច្រើនជាង "Titanic” ទៅទៀត។

ចំណែកឯភាពយន្ត "Ready Player One” ក៏នៅបន្តរកចំណូលបានច្រើនផងដែរ គឺ ២៥,១លានដុល្លារក្នុងសប្ដាហ៍ទី២។

នេះជាបណ្ដាភាពយន្តទាំង១០ រកចំណូលបានច្រើនជាងគេ៖

១០. “Isle of Dogs” ប្រាក់ចំណូល ៤,៦លានដុល្លារ

និយាយអំពីដំណើរផ្សងព្រេងរបស់ក្មេងប្រុសជនជាតិជប៉ុនម្នាក់ ស្វែងរកឆ្កែរបស់ខ្លួនដែលបាត់។

៩. “Pacific Rim: Uprising” ប្រាក់ចំណូល ៤,៩លានដុល្លារ

និយាយអំពីការផ្សងព្រេងរបស់ Jake Pentecost ជាកូនប្រុសរបស់ Stacker Pentecost ជួបជាមួយនឹងតួអង្គ Mako Mori ដើម្បីដឹកនាំអ្នកបើកយាន Jaeger ជំនាន់ថ្មី ដោយរួមបញ្ចូលទាំងអ្នកពូកែ Hacker វ័យ១៥ឆ្នាំ Amara ដើម្បីប្រឆាំងនឹងសត្រូវពួកសត្វចម្លែក Kaiju។

៨. “Sherlock Gnomes” ប្រាក់ចំណូល ៥,៦លានដុល្លារ

បន្តពីសាច់រឿង "Gnomeo & Juliet” អ្នកទាំងពីរបានជួលកំពូលអ្នកស៊ើបអង្កេត Sherlock Gnomes ដើម្បីស្វែងរកកាតបាត់បង់របស់ដ៏អាថ៌កំបាំងមួយ។

៧. “Chappaquiddick” ប្រាក់ចំណូល ៦,២លានដុល្លារ

ជាភាពយន្តនិយាយអំពីហេតុការណ៍ដែលកើតឡើង នៅឆ្នាំ១៩៦៩ ដែលជាហេតុការណ៍គ្រោះថ្នាក់ចរាចរណ៍របស់អ្នកយុទ្ធសាស្ត្ររបស់លោក Ted Kennedy ឈ្មោះ Mary Jo Kopechneធ្វើឲ្យនាងបាត់បង់ជីវិត។

៦. “Acrimony” ប្រាក់ចំណូល ៨,១លានដុល្លារ

និយាយអំពីប្រពន្ធដ៏ស្មោះត្រង់ម្នាក់ ដែលតែងតែស្ដាប់បង្គាប់និងធ្វើអ្វីតាមប្ដី បែរជាប្រែជាស្រ្ដីដ៏ខ្លាំងពូកែម្នាក់ដើម្បីស្វែងរកយុត្តិធម៌ឲ្យខ្លួនឯងក្រោយដឹងថាប្ដីខ្លួនកំពុងតែក្បត់។

៥. “I Can Only Imagine” ប្រាក់ចំណូល ៨,៤លានដុល្លារ

ជាភាពយន្តនិយាយអំពីរឿងរ៉ាវពិតរបស់បទចម្រៀង "I Can Only Imagine" របស់ក្រុមចម្រៀង MercyMe ដ៏ល្បីមួួនិយាយអំពីថាមពលនៃការលើកលែងទោស។

៤. “Black Panther” ប្រាក់ចំណូល ៨,៤លានដុល្លារ

ជាភាពយន្តថ្មីពីផលិតកម្ម Marvel បង្ហាញពីដំណើរសាច់រឿងរបស់ T'Challa ស្ដេចនៃរាជាណាចក្រអាថ៌កំបាំង Wakanda ដែលប្រកបទៅដោយបច្ចេកវិទ្យាទំនើបៗ និងត្រូវប្រឈមមុខនឹងការដណ្ដើមអំណាចនៃជនខាងក្រៅម្នាក់ ដែលកើតមកពីកំហុសរបស់ឪពុក T'Challa។

៣. “Blockers” ប្រាក់ចំណូល ២១,៤លានដុល្លារ

ឪពុកម្ដាយបីគូ ព្យាយាមបញ្ឈប់កូនស្រីខ្លួនកុំឲ្យរួមភេទនៅក្នុងរាត្រី Prom Night។

២. “Ready Player One” ប្រាក់ចំណូល ២៥,១លានដុល្លារ

នៅពេលដែលកំពូលអ្នកផលិតពិភព VR ហៅថា the OASIS បាត់បង់ជីវិត លោកបានបញ្ចេញវីដេអូមួយដែលចង់ឲ្យអ្នកប្រើប្រាស់ OASIS ទាំងអស់ស្វែងរកវត្ថុមួយឈ្មោះថា Easter Egg ដែលអាចឲ្យអ្នកឈ្នះនោះទទួលបានទ្រព្យសម្បត្តិរបស់លោក។

១. “A Quite Place” ប្រាក់ចំណូល ៥០លានដុល្លារ