នារីថៃច្រានចោលដំបូន្មាន «ហាមស្លៀកសិចស៊ី» ក្នុងថ្ងៃសង្ក្រាន្ត និងតបវិញយ៉ាងឡូយ

2018-04-13 02:06:27
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលមន្ត្រីរដ្ឋាភិបាលថៃ បានប្រាប់ស្ត្រីឲ្យស្លៀកពាក់ឲ្យបានសមរម្យ ដើម្បីជៀសវាងការបៀតបៀននានា នៅក្នុងថ្ងៃសង្ក្រាន្ត ពួកគេបែរជាបដិសេធដំបូន្មាននេះ និងតបវិញយ៉ាងឡូយតែម្ដង។

កាលពីខែមុន លោក Sutthipong Chulcharoen អគ្គនាយកនៃនាយកដ្ឋានរដ្ឋបាលមូលដ្ឋានរបស់ប្រទេសថៃ បានជំរុញស្ត្រីឲ្យស្លៀកពាក់ឲ្យបានសមរម្យ ដើម្បីបង្ការបទល្មើសផ្លូវភេទនានា។

នៅក្នុងការឆ្លើយតប ស្រ្តីជនជាតិថៃបានបង្ហោះសារ និងវីដេអូ ជាមួយនឹង hashtag #DontTellMeHowToDress (មានន័យថា កុំប្រាប់ខ្ញុំឲ្យស្លៀកពាក់បែបណា) និង #TellMenToRespect (មានន័យថា ប្រាប់បុរសឲ្យគោរព)។

គួរបញ្ជាក់ឲ្យដឹងថា ពិធីអបអរបុណ្យចូលឆ្នាំប្រពៃណីថៃ នឹងចាប់ផ្ដើមពីថ្ងៃទី១២ ដល់ថ្ងៃទី១៦ ខែមេសា ឆ្នាំ២០១៨ខាងមុខ។ ទន្ទឹមនឹងការខិតជិតមកដល់នូវសង្ក្រាន្តឆ្នាំថ្មីនេះ រដ្ឋាភិបាលថៃបានប្រកាសចេញនូវបម្រាមចំនួន ៧ ដើម្បីរក្សាសន្តិសុខ និងសុវត្ថិភាពអ្នកទេសចរទាំងក្នុងស្រុក និងអន្តរជាតិ ដែលមានដូចខាងក្រោម៖

១. ហាមស្លៀកពាក់បញ្ចេញសាច់ខ្លាំងពេក (សម្លៀកបំពាក់បែបប្រពៃណីត្រូវបានលើកទឹកចិត្ត)

២. ហាមលក់ ឬផឹកគ្រឿងស្រវឹងនៅតំបន់ប្រារព្ធសង្ក្រាន្តឆ្នាំថ្មី

៣. ហាមលេងបាចទឹកដែលលាយជាមួយម្សៅ ទឹកកក ឬសាប៊ូ

៤. ហាមលេងកាំភ្លើងបាញ់ទឹកដែលមានកម្លាំងខ្លាំង ឬអាចបង្កគ្រោះថ្នាក់

៥. ហាមបើករថយន្តប្រភេទ Pickup ដែលផ្ទុកបារ៉ែលទឹកលើដងផ្លូវសំខាន់ៗ

៦. ហាមរាំសិចស៊ី

៧. ហាមធ្វើកម្មវិធីនៅម៉ោងដែលមិនសមរម្យ៕