មកដឹងពីក្បាច់ល្អឯក និងរយៈពេលធ្វើ ខ្មុកហនុមានយក្ស
- 2018-04-13 06:32:38
- ចំនួនមតិ 0 | ចំនួនចែករំលែក 0
មកដឹងពីក្បាច់ល្អឯក និងរយៈពេលធ្វើ ខ្មុកហនុមានយក្ស
ចន្លោះមិនឃើញ
ទំហំ និងក្បូរក្បាច់ដ៏ល្អឯកលម្អព្រះព្រះភ័ក្រ្តហនុមានយក្ស គឺការរចនាដ៏អស្ចារ្យមួយដែលមិនធ្លាប់មានពីមុនមក។ ក្បាច់ទាំងនោះមាន ក្បាច់គូទខ្យង កន្ទុយហង្ស ផ្កាចាន់ និង ដកចាន់អង្គរ ជាដើម។
ខ្មុកយក្សដ៏អស្ចារ្យនេះមានកំពស់ប្រវែង ២,៥ម៉ែត្រ ទទឹងប្រវែង២,៩ម៉ែត្រ និង ព្រះភ័ក្រ្តប្រវែង២ម៉ែត្រ ។ បើតាម ផេក ល្ខោនខោលខ្មែរ បានបង្ហាញថា ខ្មុកនេះត្រូវបានគ្រូផ្នែកធ្វើខ្មុកដ៏ចំណានម្នាក់ក្នុង ខេត្តខេត្តសៀមរាបធ្វើ ដែលលោកចំណាយពេលប្រមាណត្រឹមតែ១២ថ្ងៃប៉ុណ្ណោះ ដើម្បីដំឡើងរបាំងមុខខ្នាតធំនេះឡើង។ នាពេលនេះព្រះភ័ក្រ្តហនុមានខ្នាតយក្សនេះបានលើកតម្កល់នៅក្នុងបរិវេណភូមិខ្ញុំដោយរួចរាល់ ក្នុងព្រឹត្តិការណ៍អង្គរសង្គ្រាន។
ជំនឿខ្មែរ តាមរយៈរឿងរាមកេរ្ដិ៍ បានឲ្យតម្លៃទៅលើតួអង្គហនុមាន ជាសភាវៈមួយល្អ ស្មោះត្រង់ និងជាអ្នករក្សាសុខសុវត្ថិភាពព្រោះហនុមានជាសេនាដ៏ស្មោះសឥតងាករេ ជាមួយនឹងព្រះរាម ហើយមានឫទ្ធិអំណាចក្រៃ។
ដោយឡែកមូលហេតុសំខាន់ដែលសង្រ្កានឆ្នាំនេះជ្រើសរើសខ្មុកហនុមានធ្វើជារបស់យក្ស ជាវត្ថុតំណាងព្រឹត្តិការណ៍ប្រវត្តិសាស្ត្រនេះ គឺដើម្បីលើកស្ទួយល្ខោនខោលជាសម្បត្តិវប្បធម៌ដ៏ថ្លៃថ្លារបស់ដូនតាខ្មែរ។ ជាពិសេសស្របនឹងប្រធានបទដែលកំណត់យកឆ្នាំនេះ «សាទរមរតកដូនតា»។
បើបានទៅលេងសៀមរាប អង្គរសង្ក្រាន្ដឆ្នាំនេះ ហើយចង់ចំណាយតិចបំផុតលើការធ្វើដំណើរ អ្នកអាចជិះរ៉ឺម៉កកង់បី របស់ Grab (GrabRemorque) ដោយមានតម្លៃធូរជាងតម្លៃរ៉ឺម៉កកង់បីទូទៅ។ ស្រួលមិនស្រួល អ្នកអាចជិះអត់អស់លុយក៏ថាបាន ព្រោះ Grab កំពុងផ្ដល់ប្រូម៉ូសិនបញ្ចុះតម្លៃ ៨០០០ រៀល ដោយបញ្ចូលកូដ SIEMREAP ពេលហៅរ៉ឺម៉កកង់បីរបស់ Grab ជិះ។ កូដ SIEMREAP អាចប្រើបាន ២ ដងក្នុងមួយថ្ងៃ មានសុពលភាពចាប់ពីថ្ងៃទី ១ មេសា ដល់ ៣១ ឧសភា ២០១៨។ សម្រាប់អ្នកមិនទាន់មាន Grab app សូមចុចត្រង់នេះដើម្បីដោនឡូត។