តុលាការរុស្សីបញ្ជាឲ្យបិទ Telegram

2018-04-14 00:52:37
ចំនួនមតិ 0 | ចំនួនចែករំលែក 0

ចន្លោះមិនឃើញ

តុលាការប្រទេសរុស្សីបានចេញបញ្ជាឲ្យបិទសេវាកម្ម Telegram ទាំងមួលចេញពីប្រទេសក្រោយពី តុលាការបានបញ្ជាឲ្យក្រុមហ៊ុនសហការដល់សហព័ន្ធភ្នាក់ងារសន្តិសុខជាតិរុស្សី (FSB) លទ្ធភាពក្នុងការទទួលឯកសារអ្នកប្រើប្រាស់ ដោយការធ្វើវិកូដនីយកម្ម (decrypt) តែបានបដិសេធ។

ភ្នាក់ងារសារព័ត៌មានរុស្សី Tass បានរាយការណ៍ថា រុស្សីបិទសេវាកម្ម Telegram ភ្លាមៗបន្ទាប់ពីក្រុមហ៊ុនបដិសេធមិនព្រមធ្វើតាម។ គេមិនដឹងថាការបិទសេវាកម្មនេះ នឹងចាប់ផ្ដើមលឿនដល់កម្រិតណាទេ តែប្រហែលជាចាប់ផ្ដើមពីខែក្រោយនេះ។ តាមការរាយការណ៍របស់ The Financial Times។

ទាក់ទិននឹងបញ្ហានេះ គឺមកពីនៅក្នុងឆ្នាំ ២០១៦ ប្រទេសរុស្សីបានចេញច្បាប់ស្ដីពីការការពារពីការធ្វើភេរវកម្ម ដែលតម្រូវឲ្យក្រុមហ៊ុនផ្ដល់សេវាកម្មទំនាក់ទំនងត្រូវផ្ដល់លទ្ធភាពដល់រដ្ឋាភិបាលរុស្សី បានឆែកមើលគ្រប់សារទាំងអស់ដែលឆ្លើយឆ្លងគ្នា។ ប៉ុន្តែតាំងតែពីដើមរៀងមក ក្រុមហ៊ុន Telegram តែងតែប្រឆាំងនឹងច្បាប់នេះ៕

ចុចអាន៖