ចេះវិធីសម្អាត កើនទំហំផ្ទុកទិន្នន័យលើ Google Drive បានយ៉ាងច្រើន

2018-04-16 03:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានផ្ដល់ទំហំ ១៥GB ក្នុងការផ្ទុកទិន្នន័យដោយឥតគិតថ្លៃក្នុង Google Drive ប្រៀបនឹងទំហំ ២GB របស់ Dropbox និង ១០GB របស់ Box។

គួរដឹងដែរ ទំហំ ១៥GB នេះមិនមែនប្រើតែសម្រាប់ Google Drive ប៉ុណ្ណោះទេ ក៏ប្រើជាមួយគណនី Gmail (រក្សាទុកសារ និងឯកសារភ្ជាប់ក្នុងអ៊ីមែល) និង Google Photos។

ការចេះពិនិត្យមើលសម្អាតឯកសារមិនចាំបាច់ ជួយបង្កើនទំហំផ្ទុកទិន្នន័យចាំបាច់។

១) រកមូលហេតុ

ចូលទៅកាន់ទំព័រ Drive storage គណនីនឹងបង្ហាញចំនួន Space បានប្រើប្រាស់លើ Google Drive, Gmail និង Google Photos ព្រមទាំងចំនួនទំហំនៅសល់។

អ្នកក៏អាចប្រើគម្រោងរបស់ Google បើត្រូវការ Space បន្ថែម មានចាប់ពី ២ដុល្លារក្នុងមួយខែ សម្រាប់ទំហំ ១០០GB ឬ ២០ដុល្លារក្នុងមួយឆ្នាំ រហូតដល់ ៣០០ដុល្លារក្នុងមួយខែសម្រាប់ទំហំ ៣០TB។

២) ឯកសាររាប់បញ្ចូលចំនួនកំណត់របស់ Drive ជាទូទៅមិនមែនគ្រប់យ៉ាងក្នុង Google Drive រាប់បញ្ចូលសម្រាប់ប្រើក្នុង Storage នោះទេ។ ពេលអ្នកបង្កើត Google Docs, Google Sheets ឬ Google Slides មិនរាប់បញ្ចូលចំនួនកំណត់របស់ Drive នោះទេ។

ក្នុងគណនី Gmail រូបភាពមាន Resolution ធំជាង ២ ០៤៨ x ២ ០៤៨ និងវីដេអូមានរយៈពេលវែងជាង ១៥នាទីក្នុង Google Photos ទើបរាប់បញ្ចូលចំនួនកំណត់របស់ Drive។

៣) ការសម្អាត Drive

បើកចូល Google Drive ហើយពិនិត្យត្រង់ My Drive។ ចុចប៊ូតុង List View នៅជ្រុងស្ដាំខាងលើនៃអេក្រង់ នឹងឃើញបញ្ជីទិន្នន័យអ្នកតម្រៀបតាមឈ្មោះ ពេលចុចលើប៊ូតុង Sort នៅជ្រុងស្ដាំខាងលើ នឹងឃើញមានជម្រើស Name, Last modified, Last modified by me និង Last opened by me។

អ្នកនៅតែអាចតម្រៀបឯកសារតាមទំហំបាន ដោយចុចជ្រុងឆ្វេងខាងក្រោមអេក្រង់ នឹងឃើញចំនួនរបស់ Storage space កំពុងប្រើ។ រំកិល Mouse ពីលើពាក្យ Upgrade Storage ឬ Buy more storage បើទំហំផ្ទុកជិតពេញ នឹងឃើញបញ្ជី Drive storage។ នៅផ្នែកខាងលើចុចលើ Drive។

Drive នឹងបង្ហាញបញ្ជីតម្រៀបឯកសារ ហើយអ្នកអាចលុបឯកសារណាមួយធំមិនចាំបាច់បាន។

បើអ្នកមានឯកសារ PDF ធំ ជៀសជាងលុបចោល អ្នកអាចរក្សាឯកសារនោះ ដោយបម្លែងទៅជា Google Docs។

អ្នកចុច Mouse ស្ដាំលើឯកសារ PDF > ជ្រើសយក Open with > ជ្រើសយក Google Docs។ Google Docs ថ្មីជាមួយឈ្មោះដូចនឹងឯកសារ PDF នឹងបើក ហើយអ្នកអាចលុប PDF ចាស់ចោលបាន។

ក្រោយលុបពី Drive អ្នកត្រូវសម្អាតក្នុង Trash folder មួយតង់ទៀត។ ចុចលើ Trash > ជ្រើសរើសលើឯកសារចង់លុប ចុច Mouse ស្ដាំយក Delete forever។

៤) Google Photos

បើអ្នកប្រើ Androidប្រហែលជាបានបើកដំណើរការមុខងារ Backup រូបភាពដោយស្វ័យប្រវត្តិ ដែលនឹង Upload រាល់រូបភាពបានថតក្នុងទូរសព្ទទៅកាន់គណនី Google Photos ជាមួយនឹងទំហំពេញ។

បើពិបាកនឹងស្រាវជ្រាវរូបភាព Google Photos តាមទំហំ Files អ្នកចូលទៅកាន់ទំព័រ Google Photos > ចុចលើ Photos នឹងបង្ហាញរាល់រូបភាព។

ក្នុងការលុប អ្នករំកិល Mouse ពីលើរូបភាព អ្នកនឹងឃើញប្រអប់ Check នៅជ្រុងខាងឆ្វេង។ ចុចលើប្រអប់មានរូបភាពអ្នកចង់លុប រួចចុចលើ Delete។

បើអ្នកចង់បញ្ឈប់ទូរសព្ទ Android កុំឲ្យ Upload រូបភាពទំហំពេញដោយស្វ័យប្រវត្តិ អ្នកចុច Menu icon នៅលើខាងឆ្វេង > ចូលទៅកាន់ Settings > ជ្រើសរើស High Quality។ រូបភាពកម្រិត High Quality នឹងមានទំហំតូចជាងទម្រង់ដើម កាត់បន្ថយទំហំផ្ទុក។

៥) Gmail គណនី Gmail ប្រហែលជាចំណុចចម្បងចំណាយទំហំរបស់ Drive។ ដូច្នេះអ្នកគួរលុបរាល់សារបានបើកមើល ដែលមិនចាំបាច់ ជាពិសេសសារមានភ្ជាប់ File ធំៗដូចជារូបភាពជាដើម៕