អស់បារម្មណ៍ ទោះគ្មាន​បណ្ណាការ​ក៏រៀបការបានដែរ ព្រោះមានសេវាកម្មពិសេសមួយ

  • 2018-04-14 04:56:06
  • ចំនួនមតិ

ចន្លោះមិនឃើញ

ក្រុមហ៊ុន​ថ្មី​មួយ​ក្នុង​ប្រទេស​ថៃ បាន​ប្រកាស​ផ្ដល់​សេវាកម្ម​ជួល​បណ្ណាការ​សម្រាប់​គូ​ស្នេហ៍​ដែល​មិន​មិន​លទ្ធភាព​គ្រប់​គ្រាន់​ក្នុង​ពិធី​មង្គល​ការ​របស់​ពួកគេ។

លោក Tawan Supanontakorn និង​ប្រពន្ធ​របស់​ខ្លួន​ដែល​ជា​ម្ចាស់​ក្រុមហ៊ុន​ឲ្យ​ដឹង​ថា ដើម​ឡើយ​ពួក​គេ​ដាក់​ជួល​ឡាន​សម្រាប់​ពិធី​មង្គលការ ឬ​សម្រាប់​ការ​ថត​ប៉ុណ្ណោះ។ ប៉ុន្តែ​ក្រោយ​មក ពួក​គេ​ក៏​ចាប់​ផ្ដើម​ផ្ដល់​សេវាកម្ម​ជួល​បណ្ណាការ​រយៈ​ពេល​បី​ខែ​មុន។ ប្រពន្ធ​របស់​លោក​បន្ថែម​ថា គំនិត​នេះ​បាន​មក​ពី​បទពិសោធន៍​របស់​ពួកគេ​ផ្ទាល់ ដោយ​មិន​មាន​លទ្ធភាព​សម្រាប់​បណ្ណាការ​ថ្លៃ​ៗ។

យោង​តាម​កា​សែត Sanook ឲ្យ​ដឹង​ថា សេវាកម្ម​របស់​ពួកគេ​អនុញ្ញាត​ឲ្យ​ភ្ញៀវ​ជួល​លុយ​រហូត​ដល់ ១០ លាន​បាត (៣២០ ០០០ ដុល្លារ) និង​ដុំ​មាស​រហូត​ដល់​ទម្ងន់ ១០០ បាត (មួយ​បាត​មាស​ស្មើ ១៥​ក្រាម)។ ជាមួយ​សេវាកម្ម​នេះ អតិថិជន​បង់​ប្រាក់​ជួល​ចំនួន ៣៥ ០០០បាត (១ ១០០ដុល្លារ) និង​ទទួល​បាន​លុយ ៥០០ ០០០បាត (១៦ ០០០ ដុល្លារ) និង​ឡាន​ទំនើប​មួយ​គ្រឿង​សម្រាប់​ដាក់​តាំង​ក្នុង​មង្គល​ការ​របស់​ខ្លួន។ លើស​ពី​នេះ​ទៀត អតិថិជន​ទាំង​អស់​ត្រូវ​ចុះ​កុង​ត្រា​ជាមុន​សិន​ ហើយ​ត្រូវ​​ទទួល​ស្គាល់​ថា​បណ្ណាការ​នេះ​គឺ​គ្រាន់​តែ​សម្រាប់​ដាក់​តាំង​ប៉ុណ្ណោះ។

គួរ​ឲ្យ​ដឹង​ថា លុយ​​ទាំង​នេះ​គឺ​សុទ្ធ​តែ​ជា​លុយ​ពិត ប៉ុន្តែ​គ្មាន​នរណា​ម្នាក់​អាច​ប៉ះពាល់​បាន​ក្រៅ​ពី​ម្ចាស់​ក្រុម​ហ៊ុន និង​បុគ្គលិក សូម្បី​តែ​កូន​កំលោះ និង​កូន​ក្រមុំ​ក៏​ដោយ៕

ចុចអាន ៖


ប្រភព៖ Coconut   ប្រែ​សម្រួល៖ សុភារ័ត្ន