មកដឹងវិធីបញ្ជា Siri លើ Apple Watch

2018-04-17 02:49:41
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple Watch អ្នកអាចសួរនាំ Siri ឲ្យឆ្លើយសំណួរ អនុវត្តការងារ និងផ្ដល់ព័ត៌មាន បញ្ជាដោយសំឡេង ឬចុចប៊ូតុងដ៏តូចមួយ។

Siri លើ Apple Watch Series 3 អាចឆ្លើយសំនួរអ្នកដោយអក្សរ និងសំឡេង។ ហើយ Siri ក៏អាចភ្ជាប់នឹង iPhone បញ្ជាតន្ត្រីផងដែរ។

១) បើកដំណើរការ Hey Siri

អ្នកអាចបើកដំណើរការ Siri ដោយចុចឲ្យជាប់លើ Digital Crown (ប៊ូតុងនៅចំហៀងនាឡិកា អាចរំកិលបាន) រហូតដល់ឃើញអេក្រង់ថា What can I help you with?។

តែអ្នកក៏អាចបើកដំណើរការ Siri ដោយសំឡេងផងដែរ។ អ្នកចុចលើ Digital Crown ដើម្បីប្ដូរទៅអេក្រង់ Home > ចុចលើ Settings > General > Siri > ប្រាកដថាប៊ូតុងក្បែរ Hey Siri បានបើក។

អ្នកចុចលើ Digital Crown ម្ដងទៀត ត្រលប់ទៅផ្ទៃមុខនាឡិកា។

២) Siri រង់ចាំបញ្ជាអ្នក

Apple Watch Series 1 ឬ 2 កម្មវិធី Siri អាចឆ្លើយតបត្រឹមជាអក្សរលើអេក្រង់ ខណៈ Apple Watch Series 3 កម្មវិធី Siri ថែមទាំងអាចនិយាយត្រលប់ទៅអ្នក។

ដើម្បីដំឡើងលើ Apple Watch Series 3 អ្នកចុចលើ Settings > General > Siri > ជ្រើសរើសជម្រើសណាមួយ (Always On, Control with Silent Mode ឬ Headphones Only។

អ្នកលើកដៃមក រួចនិយាយ Hey Siri កម្មវិធី Siri នឹងរង់ចាំឆ្លើយឆ្លងជាមួយអ្នកនៅឃ្លាបន្ទាប់។ Siri លើ Apple Watch មានដំណើរការដូចនឹងលើ iPhone ដែរ។

៣) សួរ Siri

អ្នកអាចប្រើពាក្យបញ្ជាផ្សេងៗ សួរទៅកាន់ Siri លើ Apple Watch ឧទាហរណ៍៖

Hey Siri, Open the Photos app ៖ Siri នឹងបើកកម្មវិធី Photos។
Hey Siri, Start an Outdoor Walk ៖ Siri នឹងចាប់ផ្ដើមកម្មវិធី Outdoor Walk តាមរយៈកម្មវិធី Workout។
Hey Siri, Call Mom on mobile ៖ Siri នឹងជួយហៅចេញទៅកាន់ទូរសព្ទដៃរបស់ម្ដាយអ្នក។
Hey Siri, Show me my appointments for this week ៖ Siri នឹងបង្ហាញប្រតិទិនសម្រាប់សប្ដាហ៍នីមួយៗ។

៤) តន្ត្រី

អ្នកអាចស្នើ Siri ឲ្យចាក់ចម្រៀង Album ឬ ឈ្មោះតារាចម្រៀងណាមួយ ពី Apple Music របស់អ្នក ហើយអ្នកអាចស្ដាប់ជាមួយកាស ឬ Bluetooth speaker។

អ្នកក៏អាចប្រើ Siri គ្រប់គ្រងការចាក់ចម្រៀងលើ iPhone បានផងដែរ។ ពេលចម្រៀងលេង បើអ្នកក្រឡេកមើល Apple Watch អ្នកនឹងឃើញ Player តូចមួយ ដែលអ្នកអាចគ្រប់គ្រងបាន ដូចជាដំឡើង ឬបន្ថយសំឡេង ឬប្ដូរបទជាដើម។

៥) ផ្ទៃមុខនាឡិកា

អ្នកអាចផ្លាស់ប្ដូរផ្ទៃមុខនាឡិកា ទៅជា Siri face ដែលអាចប្រើបានលើ watchOS 4 ឬខ្ពស់ជាងនេះ។

ដើម្បីទទួលបានផ្ទៃមុខថ្មី (Face) អ្នកបើកកម្មវិធី Watch លើ iPhone > ចុចលើ Face Gallery icon នៅខាងក្រោមអេក្រង់ > ផ្ទាំង Face Gallery នឹងបង្ហាញផ្ទៃមុខនាឡិកាថ្មីៗ រួមទាំងផ្ទៃមុខរបស់ Siri ផងដែរ > អ្នកចុចលើ Siri face ដើម្បីទាញយក > ចុចលើប៊ូតុង Add។

អ្នកចុចលើ My Watch icon នៅខាងក្រោមអេក្រង់ > អូសទៅចុងបញ្ចប់នៃបញ្ជីផ្ទៃមុខនាឡិកា អ្នកនឹងឃើញ Siri face ថ្មីនោះ។ បន្ទាប់មកអ្នកអាចអូសផ្ទៃមុខណាមួយលើ Apple Watch រហូតដល់ Siri face។

ដើម្បីជជែកនឹង Siri អ្នកចុចប៊ូតុង Siri លើផ្ទៃមុខនាឡិកា > បោះសំនួរផ្សេងៗ Siri នឹងឆ្លើយតបជាមួយអ្នក៕