ឧកបរណ៍ជំនួយចាំបាច់គួរមាន សម្រាប់អ្នកចូលចិត្តជិះកង់

2018-04-18 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កង់មានការប្រើប្រាស់ច្រើន ជាមធ្យោបាយធ្វើដំណើរល្បឿនយឺតមួយ ដែលនិយមប្រើក្នុងការធ្វើដំណើរកម្សាន្តចម្ងាយជិតៗ ទៅសាលារៀន ឬទៅធ្វើការជាដើម។ មធ្យោបាយនេះ មានអត្ថប្រយោជន៍ច្រើន ដូចជាចំណាយថវិកាតិច ជួយដល់សុខភាព និងកាត់បន្ថយការកកស្ទះចរាចរណ៍ផងដែរ។

ក្រៅពីមួកសុវត្ថិភាព អ្នកក៏គួរមានឧបករណ៍ជំនួយបន្ថែមផងដែរ សម្រាប់ផ្ដល់សុវត្ថិភាព និងភាពងាយស្រួល។

ចង្កៀងមុខ

នេះជួយអ្នកមើលឃើញឧបសគ្គខាងមុខ ក៏ដូចជាឲ្យដំណឹងដល់អ្នកបើកបរបញ្ច្រាសទិសដៅគ្នាផងដែរ ពេលអ្នកជិះពេលយប់។

ភ្ជាប់ទូរសព្ទ

នេះជួយអ្នកដាក់ទូរសព្ទនៅមុខ ខណៈធ្វើដំណើរ ដោយអ្នកអាចងាយស្រួលមើលផែនទី ប្រើ GPS ងាយស្រួលដឹងពីគោលដៅ។

កណ្ដឹង

នេះជួយអ្នកផ្ដល់ដំណឹង ពេលអ្នកវ៉ា ឬជិះកាត់អ្នកដំណើរផ្សេងទៀត បម្រុងឆ្លងកាត់មុខអ្នក។

ស្រោមដៃមានសញ្ញាឆ្វេងស្ដាំ

នេះជួយអ្នកពេលចង់បត់ឆ្លងផ្លូវ ផ្ដល់ដំណឹងអ្នកបើកបរផ្សេងទៀត នៅពីក្រោយ ឬពីមុខអ្នក ដែលល្អពេលអ្នកជិះពេលយប់ ព្រោះវិធីលើកដៃឲ្យសញ្ញា ពេលយប់អ្នកបើកបរផ្សេងទៀត ពិបាកនឹងសម្គាល់ណាស់។

កាបូបស្ពាយ

នេះជួយអ្នករក្សាទុកឥវ៉ាន់ចាំបាច់នានា ដែលពិបាកដាក់ជាប់នឹងខ្លួន ឬក្នុងហោប៉ាវ ដូចជាកាបូបលុយ កូនសោ ឬពោះវៀនកង់។

រទេះតូចភ្ជាប់ពីក្រោយកង់

នេះជួយអ្នកងាយស្រួលយកឥវ៉ាន់ ធ្ងន់ល្មម ដូចជាធុងទឹកកក ចំណីអាហារ ភេសជ្ជៈនានា ឬរបស់របរផ្សេងទៀត ដោយអ្នកអាចយកទៅទទួលទាននៅជាយក្រុងៗ បង្កភាពសប្បាយរីករាយជាមួយមិត្តភក្ដិ ពេលដល់គោលដៅសម្រាក។

ខ្សែភ្ជាប់សម្រាប់លើកកង់

នេះជួយអ្នកងាយស្រួល លើកកង់បម្លាស់ទី ដូចជាលើកឡើងជណ្ដើរជាដើម។

ខ្សែភ្ជាប់ដាក់ភេសជ្ជៈ

ពិតណាស់កំឡុងពេលជិះកង់ ការស្រេកទឹក ជៀសមិនផុតទេ។ នេះជួយអ្នកងាយស្រួលដាក់ភេសជ្ជៈប៉ុន្មានដប ដកផឹកបំបាត់ការស្រែកទឹក កំឡុងពេលជិះកង់។

កូនសោមុខច្រើន

នេះជួយអ្នកដោះស្រាយបញ្ហាល្មមៗបាន ពេលកង់ដំណើរការខុសប្រក្រតី ក្នុងពេលធ្វើដំណើរដូចជា បែកកង់ ឬធ្លាក់ច្រវ៉ាក់ជាដើម។ ដោយមានកូនសោជំនួយ អ្នកអាចផ្លាស់ប្ដូរពោះវៀនកង់ភ្លាមៗ បន្តដំណើរទៅមុខបានលឿនរហ័ស។