សមត្ថកិច្ច ទម្លាយរឿង ពែក មី ជួបគ្រោះថ្នាក់ចរារចរណ៍ល្ងាចមិញ

2014-11-13 18:17:56
ចំនួនមតិ 0 | ចំនួនចែករំលែក 0

ចន្លោះមិនឃើញ

អធិការរងស្រុកដងទង់ ខេត្តកំពត បានរៀបរាប់ពីករណីគ្រោះថ្នាក់ចរាចរណ៍ នាយ ពែក មី ដែលបានកើតឡើងកាលពីល្ងាចថ្ងៃទី១២ ខែវិច្ឆិកា។

លោក សេង វុទ្ធី អធិការរងស្រុកដងទង់ខេត្តកំពត បានប្រាប់ Sabay ថា ករណីគ្រោះថ្នាក់ចរាចរណ៍កើតឡើងរង្វង់ម៉ោងជាង៦ ល្ងាច ថ្ងៃទី១២ ខែវិច្ឆិកា ឆ្នាំ២០១៤ នៅចំណុចភូមិល្អាង ឃុំល្អាង ស្រុកដងទង់ ខេត្តកំពត។ នៅក្នុងឡានមានមនុស្ស ៤ នាក់ ប្រុសពីរ ស្រីពីរ ក្នុងចំណោមនោះមាននាយ ពែក មី កំពូលតារាកំប្លែងប្រចាំនៅស្ថានីយ៍ទូរទស្សន៍ CTN។ ប៉ុន្តែអ្នកទាំងបួន មិនមានរងរបួសនោះទេ។

លោកបានបន្ថែមថា មូលហេតុបណ្តាលឲ្យគ្រោះថ្នាក់គឺមកពីឡានបើកលឿនគេចគោក៏បណ្តាលឲ្យក្រឡាប់ខូចខាតធ្ងន់ធ្ងរ តែសំណាងល្អមិនមានអ្នករបួស។

បន្ថែមលើនេះលោក ស៊ន សុវណ្ណារ៉ា អធិការរងស្រុកដងទង់ ទទួលបន្ទុបសណ្តាប់ធ្នាប់ ក៏បានរៀបរាប់ថា នាយ ពែក មី ជិះឡាន Lexus 470 ពណ៌ស ក្នុងទិសដៅពីខេត្តកំពត ឡើងមកភ្នំពេញតាមបណ្តោយផ្លូវជាតិលេខ៣ ដល់ចំណុចកើតហេតុ ក្នុងភូមិល្អាងក៏ជួបគ្រោះថ្នាក់តែម្តង ព្រោះបើកគេចគោឆ្លងផ្លូវ។ លោកថា ក្រោយកើតហេតុ នាយ ពែក មី បានជិះឡានឈ្នួលឡើងមកភ្នំពេញនៅម៉ោង ៨ ៖ ៣០ នាទីយប់។ ចំណែករថយន្តដែលខូចខាត ត្រូវបានស្ទួចយកមកភ្នំពេញ ក្នុងពេលដំណាលគ្នា៕

ចុចត្រង់នេះអានអត្ថបទ ពែកមីជួបគ្រោះថ្នាក់ចរាចរណ៍នៅខេត្តកំពត

អត្ថបទ៖មៃ សុខលីម