Antonov An-255 គឺ​ជា​​យន្ត​ហោះ​ធំ​បំផុត​ក្នុង​លោក​ដែល​ផលិត​ឡើង​ដោយ​ក្រុមហ៊ុន អ៊ុយក្រែន រួមដៃគ្នាជាមួយ​សហភាព​សូវៀត​ក្នុង​អំឡុង​ឆ្នាំ ១៩៨០។

យន្តហោះ​ដ៏​ធំ​សម្បើម​នេះ ត្រូវ​គេ​ស្គាល់​ឈ្មោះ​ថា Mriya ដែល​មាន​ន័យ​ជា​ភាសា​អ៊ុយក្រែន​ថា "សុបិន” ឬ "ជំរុញទឹកចិត្ត”។ បច្ចុប្បន្ន Mriya ជា​យន្តហោះ​វែង​បំផុត និង​ធ្ងន់​បំផុត​ក្នុង​ពិភពលោក ជាមួយ​នឹង​ប្រវែង ៨៤​ម៉ែត្រ និង​កម្ពស់ ១៨ម៉ែត្រ ដែល​ស្មើ​នឹង​អគារ​កម្ពស់ ៥ ជាន់។ លោក Antonov Dmytrov ប្រធាន​អាកាសយានិក Mriya ឲ្យ​ដឹង​ថា​យន្តហោះ​នេះ​​ដើរ​ដោយ​ម៉ាស៊ីន​ចំនួន ៦ ជាមួយ​កង់ ៣២ គ្រាប់ និង​ប្រវែង​ស្លាប ៨៨ ម៉ែត្រ។ លើស​ពី​នេះ វា​ក៏​មាន​ទម្ងន់​ហោះ​អតិបរមារហូតដល់ ៦៤០ តោន​ផង​ដែរ។

គួរ​ឲ្យ​ដឹង​ថា Mriya បាន​ចុះ​ចត​នៅ​អាកាសយានដ្ឋាន​អន្តរជាតិ Kuala Lumpur ប្រទេស ម៉ាឡេស៊ី​ជា​លើក​ទី ៣​កាល​ពី​ថ្ងៃ ១៤ មេសា​នេះ។ ដោយ​លើក​ទី​មួយ វា​បាន​ចុះ​កាល​ពី​ឆ្នាំ ២០០៧ ដែល​នាំ​មក​នូវ​ឧទ្ធម្ភាគចក្រ​ចំនួន ៦ គ្រឿង និង​ចុះ​ចត​លើក​ទី ២ កាល​ពី​ឆ្នាំ ២០១៦ ក្នុង​គោល​បំណង​ដើម្បី​ចាក់​សាំង៕

ចុចអាន ៖

• អ្នកលើកឥវ៉ាន់នៅព្រលានយន្តហោះ នាំគ្នាឱបថើបវ៉ាលី ក្រោយគេរិះគន់ដូចព្យុះ រឿងធ្វើខូចឥវ៉ាន់ភ្ញៀវ

• ប្រជាជននៅម៉ាឡេស៊ី ធ្វើអត្តសញ្ញាណប័ណ្ណប្រើពេលត្រឹម ៤៥ នាទី!

• ភ្ញាក់ផ្អើល! អ្នកសុំទាននៅរដ្ឋម៉ាឡេស៊ី មួយខែរកចំណូលបានខ្ទង់ពាន់ដុល្លារ

ប្រភព៖ Thecoverage   ប្រែ​សម្រួល៖ រ័ត្ន