ច្បាប់ទាំង១៥តារាសម្ដែងទាំងអស់ត្រូវគោរព ដើម្បីចូលរួមជាសមាជិកក្រុម Avengers

2018-04-19 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះតារាសម្ដែងនៅហូលីវូដ ត្រូវបានជ្រើសរើសជាតួអង្គចូលរួមសម្ដែងក្នុងរឿងណាមួយរបស់ Marvel គឺវាជារឿងដ៏ពិសេសមួយ។ នេះដោយសារតែប្រជាប្រិយភាពនៃភាពយន្តប្រភេទ Superheroes នេះកាន់តែរីកសាយ ខ្លាំងឡើងៗ។ គិតមកត្រឹមពេលនេះគឺមានរយៈពេល១០ឆ្នាំហើយ ដែល Marvel ចាប់ផ្ដើមបង្កើតនូវសាច់រឿងដ៏ធំមួយគិតចាប់តាំងពី "Iron Man” ឆ្នាំ ២០០៨ និងភាពយន្តថ្មី "Avengers: Infinity Wars” ឆ្នាំ ២០១៨នេះ។

តារាសម្ដែងសំខាន់ៗដូចជា Robert Downey Jr, Chris Evans ឬ Chris Hemsworth ជាដើមសុទ្ធសឹងតែមានកុងត្រានិងការសម្រេចផ្សេងៗជាមួយផលិតកម្មយក្ស Marvel និង Disney ដើម្បីបន្តការសម្ដែងរបស់ពួកគេ។

នេះជា ១៥ ចំណុចដែលតួអង្គក្នុងបណ្ដារឿង Marvel ត្រូវគោរព៖

១៥. មិនអាចសម្ដែងនៅក្នុងរឿងរបស់ Franchise ដទៃ

ជាក់ស្ដែងតារាសម្ដែងទាំងនេះ មិនអាចបង្ហាញខ្លួននៅក្នុងបណ្ដារឿងរបស់ DC បានឡើយ។

១៤. តួអង្គទាំងអស់ត្រូវត្រៀមខ្លួនជាស្រេចសម្រាប់ឈុតថតឡើយវិញ

ដើម្បីកុំឲ្យមានបញ្ហាវែងឆ្ងាយ តួអង្គទាំងអស់ត្រូវចុះកិច្ចសន្យាដើម្បីមកថតឡើងវិញនូវចំណុចខ្វះខាត ជាក់ស្ដែងតារាសម្ដែង Idris Elba បានត្រូវគេហៅត្រលប់មកថតឈុតឆាកខ្លះៗក្នុងរឿង "Thor: The Dark World” ខណៈពេលលោកកំពុងតែសម្ដែងរឿង "Long Walk To Freedom”។

១៣. ការបង្ហាញខ្លួននៅទីតាំងផ្សេងៗ (Press Tours)

ដើម្បីផ្សព្វផ្សាយភាពយន្តខ្លួន តារាសម្ដែងទាំងអស់ដាច់ខាតត្រូវតែបង្ហាញមុខនៅក្នុងការជួបជុំជាមួយអ្នកកាសែតទូទាំងពិភពលោកដើម្បីផ្សព្វផ្សាយភាពយន្ត។

១២. ក្លាយជាតុក្កតាសម្រាប់ក្មេងលេង

តួអង្គទាំងនោះនឹងមានតុក្កតា ដែលធ្វើពីទម្រង់មុខមាត់ខ្លួនដើម្បីដាក់លក់នៅតាមទីផ្សារ។

១១. ការហាត់ប្រាណឲ្យមានរាងកាយមាំមួន

តួអង្គទាំងអស់ត្រូវឆ្លងកាត់ការហាត់ប្រាណខ្លាំង និងមានរបបអាហារច្បាស់លាស់ដើម្បីឲ្យមានរាងស្អាត។

១០. កុងត្រាសម្រាប់បន្តវគ្គ

នៅពេលដែលតារាទាំងនោះចូលរួមសម្ដែងរឿងណាមួយហើយ ពួកគេត្រូវតែបន្តកុងត្រាសម្រាប់អនាគតនៃតួអង្គដែលគេសម្ដែង។

៩. រូបភាពល្អនៅក្នុងសង្គម

តារាប្រចាំ Marvel ជាច្រើនតែងតែចូលរួមការធ្វើការងារសប្បុរសធម៌ផ្សេងៗ និងជាគំរូល្អដល់ក្មេងៗ។

៨. អាចត្រូវគេបញ្ឈប់ប្រសិនជាទាមទារតម្លៃខ្លួនហួសហេតុពេក

ជាក់ស្ដែងតួអង្គដែលសម្ដែងដោយលោក Edward Norton និង Terrance Howard ត្រូវចាកចេញពី Marvel ជាផ្លូវការដោយសារមានបញ្ហាទឹកប្រាក់និងចង់បានចំណែកខ្លះនៃភាពយន្ត។

៧. តួជំនួសទទួលបានផលប្រយោជន៍ច្រើន

តួជំនួស (Stuntmen) នៅក្នុងខ្សែរឿង Marvel ទទួលបានផលប្រយោជន៍ច្រើននិងតែងតែទទួលបានការគោរពពីសំណាក់តារាសម្ដែងផ្ទាល់ទៀតផង។

៦. ស្បថថានិងមិនធ្វើឲ្យបែកធ្លាយរឿងរ៉ាវផ្សេងៗ

តួអង្គទាំងអស់ត្រូវស្បថ ថាមិនប្រាប់ពីអ្វីដែលនឹងកើតឡើងក្នុងរឿងថ្មីៗ ដែលនឹងបញ្ចេញដើម្បីជៀសវាង Spoiler ជាយថាហេតុ។

៥. ត្រូវមានអាកប្បកិរិយាល្អ

តួអង្គទាំងនោះត្រូវមានអាកប្បកិរិយាល្អ មិនថាជានៅក្នុងការសម្ដែងឬជីវិតរស់នៅខាងក្រៅនោះទេ នេះដោយសារតែ Marvel យកចិត្តទុកដាក់ទៅលើភាពល្អនៃអត្តចរិតរបស់តួអង្គម្នាក់ៗ។

៤. ការហ្វឹកហាត់ផ្សេងៗ

បន្ថែមពីលើការហាត់ប្រាណនិងកំណត់របបអាហារ ពួកគេត្រូវឆ្លងកាត់ការហ្វឹកហាត់ផ្សេងៗជាច្រើនដូចជា ហាត់ប្រាណឲ្យមាឌ និងសាច់ដុំកាន់តែធំ ក៏ដូចជាហាត់ក្បាច់វាយតប់ថ្មីៗជាដើម។

៣. ត្រូវរក្សារាងរៅ