Apple ចេញធម៌ក្តៅ ចំពោះបុគ្គលិកដែលធ្វើឲ្យបែកធ្លាយអាថ៌កំបាំងក្រុមហ៊ុន

2018-04-19 12:08:29
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ ២០១៧ កន្លងទៅ Apple បានរកឃើញថាអាថ៌កំបាំងនៃផលិតផលទាំង ២៩ ត្រូវបានបែកធ្លាយមុនថ្ងៃដាក់បង្ហាញ ដោយដើមចមនៃបញ្ហាទំនងលេចចេញពីបណ្តាបុគ្គលិកក្នុងក្រុមហ៊ុន។ ថ្លែងប្រាប់សារព័ត៌មាន Bloomberg កាលពីថ្ងៃសុក្រសប្តាហ៍មុន Apple បានសង្កត់ធ្ងន់ថា៖ "ប្រភេទមនុស្សទាំងនេះមិនត្រឹមតែត្រូវបាត់បង់ការងារនោះទេ ទៀតសោតក៏ពិបាកនឹងចេញទៅរកការងារដទៃថែមទៀតផង"។

ការបែកធ្លាយធំបំផុតលេចចេញពីបុគ្គលិកម្នាក់ ដែលទម្លាយនូវព័ត៌មានទាក់ទងនឹងស្មាតហ្វូន iPhone X និងនាឡិកាឆ្លាតវៃ Apple Watch Series 3 មុនដល់ថ្ងៃបើកព្រឹត្តិការណ៍ដាក់បង្ហាញនាខែកញ្ញា ឆ្នាំ ២០១៧។ ជុំវិញរឿងរ៉ាវនេះប្រធានផ្នែកទីផ្សារលោក Great Joswaik ក៏បានមានប្រសាសន៍ថា៖ "យើងចង់ឆ្លៀតឱកាសនេះប្រាប់ទៅអតិថិជនទាំងអស់ពីលក្ខណៈពិសេសនៃផលិតផលរបស់យើង និងមិនចង់ឲ្យមានការសម្រេចចេញពីនរណាម្នាក់នោះឡើយ"។

បញ្ជាក់ថាមិនត្រឹមតែ Apple នោះទេ ក្រឡេកទៅក្រុមហ៊ុនបច្ចេកវិទ្យាកំពូលឯទៀតដូចជា Google និង Facebook សុទ្ធសឹងព្យាយាមលាក់បាំងរឿងសម្ងាត់របស់ខ្លួនដូចគ្នា ហើយបើកាលណាមានការលេចធ្លាយទៅខាងក្រៅ ខាងក្រុមហ៊ុនក៏មិនខ្លាចនឹងបណ្ដេញបុគ្គលិកចេញនោះដែរ។