បើកបរពាក់វ៉ែនតាពេលភ្លៀង ជួយមើលឃើញកាន់តែច្បាស់

2018-04-19 03:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

រដូវវស្សា មេឃប្រែប្រួលមិនទៀងទាត់ ពពកក្រាស់ មេឃប្រែពណ៌ខ្មៅ ខ្យល់បក់ខ្លាំង ហើយធ្លាក់ភ្លៀងស្ទើររាល់ថ្ងៃ។ ស្ថានភាពបែបនេះ ធ្វើឲ្យមានការពិបាកដល់អ្នកបើកបរលើដងផ្លូវ សូម្បីតែប្រើរថយន្តក៏ដោយ ដែលពិបាកសម្គាល់មើលឧបសគ្គខាងមុខ។

តើការពាក់វ៉ែនតា ជួយសម្រួលទិដ្ឋភាពមើលឃើញ បើកបរពេលភ្លៀងធ្លាក់មែនទេ? បើតាមវេបសាយ Snopes ការប្រើវ៉ែនតាម៉ូដែលណាក៏ដោយ អាចធ្វើឲ្យទិដ្ឋភាពខ្យល់ព្យុះបាត់ ដោយអ្នកបើកបរអាចឃើញ ដូចមិនមានភ្លៀងចឹង ដែលវាកាត់បន្ថយចំណាំងពីរថយន្តឆ្លងកាត់ ហើយអាចដំណើរការបានទាំងពេលថ្ងៃ និង ពេលល្ងាច ឬពេលយប់។ បើនិយាយម្យ៉ាងទៀត ប្រើវ៉ែនតាពេលធ្លាក់ភ្លៀង នឹងធ្វើឲ្យលក្ខខណ្ឌទិដ្ឋភាពមានកម្រិតធម្មតា។

បើការអះអាងនេះមិនពិតប្រាកដ នេះអាចធ្វើឲ្យអ្នកបើកបរលើដងផ្លូវជាច្រើន សម្លឹងមើលទីឆ្ងាយកាន់តែមិនល្អ។

ការប្រើវ៉ែនតាពេលយប់ មានស្ថានភាពងងឹត វានឹងធ្វើឲ្យទិដ្ឋភាពកាន់តែងងឹតថែមទៀត នេះមិនផ្ដល់ផលល្អក្នុងការសម្លឹងមើលនោះទេ។ តែ ប្រើវ៉ែនតាពេលថ្ងៃ ខណៈពេលភ្លៀង អាចប្រើការបាន ដរាបណាមេឃមិនងងឹត។ ហើយវ៉ែនតាក៏ប្រហែលអាចជួយបង្កើនទិដ្ឋភាពស្រាល (Contrast) ទៅជាអ័ព្ទក្រាស់ផងដែរ។

អ្នកគួរដឹងផងដែរ មិនមែនគ្រប់ម៉ូដែលវ៉ែនតា អាចបង្កើនកម្រិតមើលឃើញពេលភ្លៀងធ្លាក់នោះទេ។ គ្រូពេទ្យវះកាត់ភ្នែក លើកឡើងថា មានតែវ៉ែនតាជាមួយ Polarized lens ប៉ុណ្ណោះអាចមានអត្ថប្រយោជន៍។ Polarized lens អាចការពារពន្លឺផ្លាតចេញ ពេលពន្លឺបះនឹងផ្ទៃរាបដែលអាចមានចំណាំង ដូចចំណាំងពន្លឺអ្នកឃើញ ពេលភ្លៀងធ្លាក់នៅខាងមុខភ្លើងរបស់រថយន្តដទៃទៀត។

យ៉ាងណាមិញ ដរាបណាការណែនាំខាងលើត្រូវបានអនុវត្តតាម ការពាក់វ៉ែនតាពេលធ្លាក់ភ្លៀង អាចមានប្រយោជន៍៕