Jennifer Lopez ជាប់ឈ្មោះក្នុងបញ្ជីមនុស្សមានឥទ្ធិពលបំផុតទាំង១០០

2018-04-20 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Jennifer Lopez គឺជាតារាម្នាក់ដែលអាចធ្វើរឿងគ្រប់យ៉ាងមិនថា ជាក្នុងវិស័យតន្ត្រី ច្រៀងរាំឬភាពយន្ត និងតារាសម្ដែងនៅលើរឿងភាគទូរទស្សន៍ជាដើម ហើយនាងបានប្រឡូកក្នុងវិស័យនេះជាង ៣០ឆ្នាំហើយ។

ដូច្នេះវាមិនមែនជារឿងគួរឲ្យភ្ញាក់ផ្អើលនោះទេដែល តារាវ័យ៤៨ឆ្នាំរូបនេះបានជាប់ឈ្មោះជាបុគ្គលដែលមានឥទ្ធិពលបំផុតក្នុងពិភពលោកទាំង១០០ របស់ទស្សនាវដ្ដី TIMEព្រមទាំងបានក្លាយជាតារាដាក់រូបលើក្របទស្សនាវដ្ដីទៀតផង។

ចំពោះទស្សនាវដ្ដី TIME នេះដែរក៏មានក្របមុខផ្សេងៗទៀតផងដែរសរុបទាំងអស់ ៦ ដែលមានរូបរបស់តារាៗដូចជា Nicole Kidman, Roger Federer, Tarana Burke, Satya Nadella, និង Tiffany Haddish។

ចំពោះលទ្ធផលរបស់ការងារក្នុងវិស័យសិល្បៈរបស់នាងគឺពិតជាអស្ចារ្យខ្លាំង ដោយក្លាយជាតារាសម្ដែងសញ្ជាតិឡាតាំង អាចរកចំណូលបានដល់ទៅ១លានដុល្លារសម្រាប់ការសម្ដែងក្នុងភាពយន្តមួយ ហើយក៏ជាតារាស្រីមួយរូបដែលទទួលបានចំណាត់ថ្នាក់លេខ១ទាំងអាល់ប៊ុមនិងភាពយន្តក្នុងសប្ដាហ៍ជាមួយគ្នា។

មិនត្រឹមតែប៉ុណ្ណោះនាងក៏ជាម្ដាយមួយរូប អ្នកជំនួញ អ្នកឌីហ្សាញ និងជាតារាដែលមានសម្រស់ស្រស់ស្អាតមិនធម្មតា ព្រមទាំងជាផលិតករជាដើម។

គូសបញ្ជាក់ដែរថា នៅក្នុងតារាងនេះមានដាក់បញ្ចូលនូវមនុស្សមានឥទ្ធិពលទាំង១០០ នាក់ដែលរាប់បញ្ចូលដូចជា ផលិតករ Steven Spielberg លោក Donald Trump តារាចម្រៀងរ៉េប Cardi B ជាដើម៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ