Huawei និយាយថាមានគំនិតផលិតទូរសព្ទក្បាលឆក មុន iPhone X យូរឆ្នាំហើយ

2018-04-20 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Li Changzhu នាយកផ្នែកទូរសព្ទនៃក្រុមហ៊ុន Huawei បាននិយាយក្នុងកម្មវិធី Huawei Analyst Summit ថាក្រុមហ៊ុនរបស់ខ្លួនបានពិភាក្សាគ្នាអំពីទូរសព្ទក្បាលឆក រាប់ឆ្នាំមកហើយ។

លោក Li Changzhu

នាយករូបនេះបាននិយាយថាក្រុមហ៊ុនរបស់ខ្លួនបានពិចារណាលើការពង្រីកផ្ទៃអេក្រង់លើស្មាតហ្វូន រយៈពេល ៣ ទៅ ៤ ឆ្នាំ មុននឹងការប្រកាសចេញ P20 នាពេលបច្ចុប្បន្ននេះ។ ប៉ុន្តែគំនិតនេះត្រូវបានបោះបង់ចោល ដោយសារពេលនោះក្រុមហ៊ុនកំពុងស្ថិតក្នុងដំណើរការពង្រីកម៉ាកសញ្ញានៅឡើយ ដូចនេះត្រូវប្រុងប្រយ័ត្នលើការបោះជំហានថ្មី។ លោក Li ក៏បានសង្កត់ធ្ងន់ថា អតិថិជន (ជាពិសេសនៅប្រទេសចិន) ចូលចិត្តភាពស៊ីមេទ្រី ហើយស្នាមឆកនេះ មិនមែនជារឿងល្អនោះទេ សម្រាប់វប្បធម៌ចិន។

លោក Li ក៏បាននិយាយសរសើរដល់ Apple ដែលក្លាហានបញ្ចេញ iPhone X មានក្បាលឆក ដែលធ្វើឲ្យក្បាលឆកត្រូវបានអតិថិជនទទួលយក។ លោកបន្តថា Huawei បានខកខានឪកាសដើម្បីបង្ហាញពីការឌីហ្សាញថ្មីរបស់ខ្លួន ប៉ុន្តែយល់ថានឹងមិនទទួលបានផលវិជ្ជមានខ្លាំង ដូចជា iPhone ប៉ុន្មាននោះទេ។

នាយករូបនេះបន្តទៀតថា បច្ចុប្បន្ននេះ Huawei កំពុងរៀនអង់អាច និងសម្រុកទៅមុខខ្លាំងជាងមុន។ ជាក់ស្ដែងដូចជាការបញ្ចេញ P20/P20 Pro ដែលមានពណ៌ប្លែកពីគេ និង ការប្រើប្រាស់កាមេរ៉ា ៣ គ្រាប់ជាដើម៕

ចុចអាន៖

ប្រភព៖ PhoneArena | Cultofmac ប្រែសម្រួល៖ សុខហេង