សាហាវណាស់! ១ នាទីសោះ Jack Ma អាចលក់ទុរេនបាន ៨ ម៉ឺនផ្លែ
- 2018-04-22 02:13:16
- ចំនួនមតិ 0 | ចំនួនចែករំលែក 0
សាហាវណាស់! ១ នាទីសោះ Jack Ma អាចលក់ទុរេនបាន ៨ ម៉ឺនផ្លែ
ចន្លោះមិនឃើញ
លោក Jack Ma ម្ចាស់ក្រុមហ៊ុនលក់ទំនិញអនឡាញ Alibaba បានបង្ហាញពីវេទមន្តនៃសេវាកម្មលក់ទំនិញតាមអនឡាញ ដោយអាចលក់ផ្លែទុរេនបាន ៨ ម៉ឺនផ្លែ ក្នុងពេលត្រឹមតែ ១ នាទីប៉ុណ្ណោះ។
អំឡុងពេលដែលលោក Jack Ma ធ្វើទស្សនកិច្ចទៅកាន់ប្រទេសថៃកាលពីថ្ងៃព្រហស្បតិ៍កន្លងទៅ ដើម្បីចុះកិច្ចព្រមព្រៀងលើការបណ្ដាក់ទុននោះ លោក Sontirat Sontijirawong មន្ត្រីពាណិជ្ជកម្មរបស់ថៃ បានផ្ដល់កាដូនូវផ្លែទុរេនជាច្រើនផ្លែដល់លោក Jack Ma។
ម្ចាស់ក្រុមហ៊ុន Alibaba ក៏បានយកទុរេនទាំងនោះ ទៅដាក់លក់លើសេវាកម្មលក់ទំនិញអនឡាញរបស់ខ្លួន។ មុនពេលដាក់លក់រយៈពេល ២ ថ្ងៃ គេអាចទទួលបានការកុម្ម៉ង់ទិញចំនួន ៦០ ០០០ ផ្លែ ហើយពេលដែលដាក់លក់ភ្លាមលក់បាន ៤០ ០០០ ផ្លែ និងមួយនាទីបន្ទាប់តួលេខបានឡើងដល់ ៨០ ០០០ ផ្លែភ្លាម។
គួរដឹងថាលោក Jack Ma បានចុះហត្ថលេខាលើកិច្ចព្រមព្រៀងធំៗចំនួន ៤ ជាមួយប្រទេសថៃ ដែលក្នុងនោះរួមមាន កិច្ចព្រមព្រៀងវិនិយោគដែលមានទឹកប្រាក់ប្រមាណ ៣៥២,៥លានដុល្លារ សម្រាប់ការបង្កើតមជ្ឈមណ្ឌលឌីជីថលមួយ ដែលនឹងចាប់ផ្ដើមដំណើរការនៅឆ្នាំក្រោយ៕