ស្វាមីគ្រប់រូបឆ្លើយឲ្យរួច៧សំណួរនេះសិន បើគិតចង់ក្បត់ប្រពន្ធ មានស្រីក្រៅ
- 2018-04-24 03:41:56
- ចំនួនមតិ 0 | ចំនួនចែករំលែក 0
ស្វាមីគ្រប់រូបឆ្លើយឲ្យរួច៧សំណួរនេះសិន បើគិតចង់ក្បត់ប្រពន្ធ មានស្រីក្រៅ
ចន្លោះមិនឃើញ
ភាពស្មោះត្រង់សំខាន់បំផុតក្នុងជីវិតគូ ការផិតក្បត់ អាចបំផ្លាញសុភមង្គលមង្គលគ្រួសារ ហើយគ្មាននរណាម្នាក់លើលោកនេះចង់ជួយ ចង់ឮឡើយ។ ស្វាមីគ្រប់រូបបើគិតចង់បំផ្លាញសុភមង្គលគ្រួសារ ដោយទង្វើក្បត់ផិត សូមឆ្លើយឲ្យរួច៧សំណួរនេះសិន!
១. កាលសុំស្រលាញ់នាង តើបានអះអាងអ្វីខ្លះ ទើបនាងព្រមស្រលាញ់?
នារីម្នាក់ដែលយល់ព្រមទៅស្រលាញ់អ្នក មិនមែនមកពីនាងចិត្តងាយទេ តែនាងជឿជាក់លើស្នេហាលើពាក្យសន្យា ក្ដីស្រលាញ់របស់អ្នក។ បើគិតចង់ក្បត់នាង សូមងាកទៅគិតកាលពីដំបូងវិញ មិនមែននៅសុខនាងមកស្រលាញ់អ្នកទេ។
**២. តើព្រមឲ្យនារីដែលខ្លួនស្រលាញ់ឈឺចាប់ដែរទេ ហើយអាណិតនាងទេ?**
ភរិយាភាគច្រើនបំផុត គឺស្រលាញ់ស្វាមីស្មោះអស់ពីពោះ មិនដែលគិតក្បត់ងាករេ។ តែបើនាងដឹងថា មនុស្សប្រុសដែលនាងស្រលាញ់ក្បត់នាង គឺដូចយកកាំបិតមកចាក់ទម្លុះបេះដូង ទោះមានថ្នាំអ្វីក៏ព្យាបាលមិនជាឡើយ។ តើយល់ព្រមឲ្យនាងក្លាយជាបែបនេះទេ?
៣. តើព្រមអនុញ្ញាតឲ្យស្រីក្រៅ គ្មានខាន់ស្លាមកបំផ្លាញសុភមង្គលគ្រួសារទេ?
សុភមង្គលគ្រួសារមួយនឹងត្រូវបំផ្លាញ បើមានបុគ្គលទី៣ចូលជ្រៀតជ្រែក។ តើអ្នកចង់បានគ្រួសារមួយដ៏រីករាយ ឬចង់ឃើញទឹកភ្នែកភរិយា?
៤. បើមានមួយមិនស្កប់ពីដំបូងរៀបការធ្វើអី ម៉េចមិននៅលីវដើរញ៉ែគ្រប់ស្រីទៅ?
បើមិនគិតចង់ស្មោះជាមួយនារីណា កុំរៀបការអីល្អជាង សុខចិត្តនៅខ្លួនមួយ ដើរពង្រាយមន្តស្នេហ៍វិញល្អជាង។ បើនាងមិនមែនជានារីចុងក្រោយ ក្នុងជីវិតអ្នកទេ តើរៀបការជាមួយនាងដើម្បីអ្វី?
៥. បើនាងឈឺចាប់ទ្រាំមិនបានប្ដឹងសុំលែងលះ ចុះអនាគតកូនៗនឹងទៅជាយ៉ាងណា?
បើនាងដឹងថា អ្នកក្បត់ហើយនៅតែអាចទទួលយកអ្នកបាន គឺនាងជានារីដ៏អស្ចារ្យបំផុតហើយ។ តែបើនាងលែងលះវិញ ចុះកូនៗគិតយ៉ាងណា ហើយមានចិត្តអាណិតកូនទេ? ចង់ឃើញគ្រួសារបែកបាក់ណាស់មែនទេ?
៦. តើស័ក្ដិសមជាកូនប្រុសទេ ដែលនៅសុខៗដណ្ដើមនាងចេញពីឪពុកម្ដាយ នាងតែចុងក្រោយឲ្យនាងសម្រក់ទឹកភ្នែក?
មុននឹងនាងមកផ្ញើជីវិតលើអ្នក គឺនាងគិតថា អ្នកអាចមើលថែនាងជំនួសឪពុកម្ដាយនាងបាន។ បើនាងដឹងមុនថា ចុងក្រោយអ្នកក្បត់នាង គឺនាងមិនព្រមចាកចេញពីគ្រួសារដ៏កក់ក្ដៅរបស់នាងឡើយ។
៧. តើអ្នកអាចរស់នៅមានក្ដីសុខនៅលើលោកនេះ ដោយគ្មានវត្តមាននាងបានទេ?
ពិតមែនហើយ អ្នកចង់បានមនុស្សស្រីប៉ុន្មាននាក់ក៏បាន តែអ្នកមិនងាយរកបាននារីដែលព្រមស្លាប់ដើម្បីអ្នកបានទេ។ នាងនឹងចាកចេញពីអ្នកពេលដែលនាងទ្រាំលែងបាន ឬនាងអាចបិទភ្នែករហូតលែងភ្ញាក់។ ពេលនោះតើអ្នកអាចរស់នៅដោយមានក្ដីសុខបានទេ? អ្នកនឹងមានវិប្បដិសារីអស់មួយជីវិត ពេលដែលអ្នកបាត់បង់នាង។
កុំបំផ្លាញនារីម្នាក់ព្រោះតែធ្វើតាមអារម្មណ៍ កុំបណ្ដោយឲ្យតណ្ហាក្លាយជារបាំងមុខ កុំធ្វើបាននារី២នាក់ដែលនាងគ្មានកំហុសអ្វីសោះ។ បើនាងជានារីចុងក្រោយសម្រាប់អ្នក រស់ខ្វះនាងមិនបាន សូមស្មោះត្រង់ជាមួយនាងរហូតអស់ជីវិតរាងខ្លួន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
