Wenger រំពឹងឈ្នះនៅដី Old Trafford លើកចុងក្រោយ ខណៈ Jose ឆ្លើយថា ទេ

2018-04-29 06:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Arsene Wenger នឹងដឹកនាំក្រុមកាំភ្លើងធំទៅប្រកួតនៅទឹកដី Old Trafford ជាលើកចុងក្រោយ នៅវេលាម៉ោង១០:៣០នាទីយប់នេះ។

មុនការប្រកួតឈានចូលមកដល់ Wenger មានក្ដីរំពឹងខ្ពស់ចំពោះលទ្ធផលនៅរាត្រីនេះ ដើម្បីជាការអបអរប្រកួតទល់ក្រុមខ្លាំង Manchester United ។ លោក បានបញ្ជាក់ថាកីឡាករទាំងអស់នឹងថាអ្វីត្រូវធ្វើនៅរាត្រីនេះ ដើម្បីយកជ័យជម្នះ បើទោះជាក្រុមបិសាចក្រហមលេងល្អនិងបានយកឈ្នះលើក្រុមពួកគេកាលពីជើងទី១កន្លងទៅហើយក៏ដោយ។

ដោយឡែកសម្រាប់ Jose Mourinho វិញ ហាក់ដូចជាមិនបារម្ភចំពោះប្រកួតនេះនោះទេ។ លោកជឿជាក់ថាក្រុមនឹងធ្វើបានល្អនារាត្រីនេះ ត្បិតអីកីឡាករទាំងអស់មានការរៀបចំល្អ។ អ្នកចាត់ការបិសាចក្រហមរូបនេះ សរសើរចំពោះការដឹកនាំ២២ឆ្នាំរបស់លោក Wenger ប៉ុន្តែវាមិនមានន័យថាលោកចង់បរាជ័យយប់នេះ ដើម្បីជាការជប់លៀងលាគ្នាជាមួយអ្នកចាត់ការកាំភ្លើងធំឡើយ។

ប្រកួតយប់នេះ គឺ Man Utd មិនសូវជាត្រូវការឈ្នះនោះទេ ព្រោះថាពួកគេអាចស្ថិតក្នុងតំបន់ Top4 បានរូចទៅហើយ។ ដោយឡែកសម្រាប់ Arsenal វិញ ត្រូវការឈ្នះជាចាំបាច់ ព្រោះបច្ចុប្បន្ននេះកំពុងស្ថិតនៅលេខ៦ក្នុងតារាង ចាញ់ពិន្ទុក្រុមលេខ៥ច្រើន៕

ប្រភព៖ Independent ប្រែសម្រួល៖ មុន្នីរម្យ