ទីបំផុត ដូណាល់ ត្រាំ បង្ហើបប្រាប់ទីតាំងជួបជាមួយ គីម ជុងអ៊ុន ហើយ!

2018-05-01 01:38:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិក លោក ដូណាល់ ត្រាំ បានបង្ហោះនៅលើបណ្តាញសង្គម Twitter នៅថ្ងៃទី៣០ ខែមេសា ឆ្នាំ២០១៨នេះថា លោកនឹងអាចជ្រើសរើសយកវិមានសន្តិភាពដែលស្ថិតនៅព្រំដែនកូរ៉េទាំង២ សម្រាប់ជំនួបជាមួយលោក គីម ជុងអ៊ុន មេដឹកនាំកូរ៉េខាងជើងនាពេលខាងមុខនេះ។

សាររបស់លោក ត្រាំ

ដូណាល់ ត្រាំ

សូមបញ្ជាក់ថា ទីតាំងនេះ ក៏ជាកន្លែងជួបប្រជុំគ្នាជាប្រវត្តិសាស្រ្តរវាងលោក ម៉ូន ចេអ៊ីន ប្រធានាធិបតីកូរ៉េខាងត្បូង និងលោក គីម ជុងអ៊ុន កាលពីថ្ងៃទី២៧ ខែមេសា ឆ្នាំ២០១៨ថ្មីៗនេះផងដែរ។

ការពិចារណាជ្រើសរើសយកតំបន់ព្រំដែនកូរ៉េខាងជើង និងខាងត្បូងនេះ គឺក្នុងពេលដែលលោកកំពុងពិចារណា លើប្រទេសជាច្រើនសម្រាប់ជំនួបនេះ។ ប៉ុន្តែទោះជាយ៉ាងណា លោកមិនបានបញ្ជាក់ពីពេលវេលាពិតប្រាកដនៃជំនួបនេះទេ ហើយក៏មិនទាន់មានការឆ្លើយតបពីភាគីកូរ៉េខាងជើងដែរ។

គីម ជុងអ៊ុន

វិមានសន្តិភាពនៅតំបន់ព្រំដែនកូរ៉េទាំង២

បើតាមការចេញផ្សាយរបស់សារព័ត៌មាន Sputnik លោក ដូណាល់ ត្រាំ បានថ្លែងក្នុងអំឡុងការប្រមូលផ្តុំគ្នា១កាលពីថ្ងៃសៅរ៍កន្លងទៅនៅរដ្ឋ Michigan ថា កិច្ចប្រជុំរបស់លោកជាមួយនឹងលោក គីម ជុងអ៊ុន អាចនឹងធ្វើឡើងនៅក្នុងពេល៣ ឬ ៤សប្តាហ៍ក្រោយ៕

ចុចអាន៖

ប្រភព៖ Kley Kley ប្រែសម្រួល៖ សំភី