កាមេរ៉ា DSLR ទុកមួយភ្លេតងងឹតអេក្រង់ឈឹង តែមួយក្បាច់អាចដោះស្រាយបានមួយរំពេច

2018-05-02 04:32:34
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកប្រើកាមេរ៉ា DSLR ដំបូង ប្រហែលសម្គាល់ឃើញអេក្រង់ LCD ងងឹតត្រឹមតែ ពីរ បីវិនាទី ហើយត្រូវចុចប៊ូតុងណាមួយ ដើម្បីដាស់ឲ្យអេក្រង់ភ្លឺ។

វិធីកែប្រែ Settings ឲ្យអេក្រង់ភ្លឺបានយូរបន្តិច ដោយអនុវត្តផ្ទាល់លើ Nikon D40 ហើយម៉ូដែលផ្សេងអាចមានលំនាំដូចគ្នា ឬខុសតិចតួច។

១) បើកកាមេរ៉ា > ចុចលើប៊ូតុង Menu នៅខាងក្រោយក្បែរនឹងអេក្រង់ LCD។

២) ចុចប៊ូតុងបង្វែរទិសខាងឆ្វេង > ជ្រើសរើស icon រូបខ្មៅដៃ ដោយអាចរំកិលចុចប៊ូតុងបង្វែរទិសឡើងលើ ឬចុះក្រោម ពេលដល់រូបខ្មៅដៃ នឹងឃើញអក្សរបញ្ជាក់នៅខាងលើអេក្រង់ Custom Setting Menu។

៣) ចុចប៊ូតុងបង្វែរទិសខាងស្តាំ > ចុចប៊ូតុងបង្វែរទិសឡើងលើ ឬចុះក្រោម ដើម្បីជ្រើសរើស Auto Off Timers លេខរៀងទី ១៥ ឬផ្សេងពីនេះ ទៅតាមម៉ូដែល > ចុចប៊ូតុង OK នៅខាងក្រោមកាមេរ៉ា។

៤) ចុចប៊ូតុងបង្វែរទិសឡើងលើ ឬចុះក្រោម ដើម្បីជ្រើសរើសប្រភេទរយៈពេល Short, Normal, Long និង Custom។ បើអេក្រង់ LCD ឆាប់ងងឹតពេក អាចប្ដូរមកជ្រើសរើស Long ឬ Custom។ Long អេក្រង់នៅភ្លឺ ២០ វិនាទី ខណៈ Custom អាចកំណត់រយៈពេលដោយខ្លួនឯងបាន។

៥) ចុចប៊ូតុង OK ដើម្បីកំណត់ការផ្លាស់ប្ដូរ > ចុចប៊ូតុង Menu ពីរដង ក្នុងការចាកចេញពីផ្ទាំង Custom Setting Menu៕