ដំណើរកម្សាន្តរីករាយ កុំឲ្យរំខានដោយសារបញ្ហារថយន្ត ត្រូវដឹងចំណុចគួររៀបចំជាមុន

2018-05-03 00:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនពេលធ្វើដំណើរកម្សាន្តទៅទីកន្លែងនានាជាមួយមិត្តភក្ដិ ឬក្រុមគ្រួសារ ដោយប្រើរថយន្តផ្ទាល់ខ្លួន អ្នកបើកបរគួរពិនិត្យចំណុចបច្ចេកទេសលើរថយន្ត ដើម្បីកុំឲ្យឈឺក្បាលពាក់កណ្ដាលផ្លូវ។

សម្បកកង់៖ គួរពិនិត្យមើលជម្រៅក្រឡាសម្បកកង់ បើសឹក ឬក្រឡារាក់ពេក គួរគិតគូរផ្លាស់ប្ដូរថ្មី។ (Sabay នឹងមានវីដេអូបង្ហាញពីរបៀបពិនិត្យក្រឡាកង់តាមបច្ចេកទេស)

សំពាធកង់៖ អាចប្រើឧបករណ៍វាស់សំពាធខ្យល់ ផ្ទៀងផ្ទាត់នឹងតួលេខត្រឹមត្រូវមួយ។ តួលេខសំពាធកង់មានបង្ហាញនៅទ្វារខាងក្នុងរថយន្ត។

កម្រិតប្រេង៖ គួរប្រាកដថាមានកម្រិតប្រេងពេញគ្រប់គ្រាន់ ក្នុងរយៈពេលខ្លីបរិមាណ សំខាន់ជាងគុណភាព។ បើប្រេងអស់លើដងផ្លូវ អាចចំណាយពេលយូរទម្រាំរថយន្តដំណើរការវិញ។

ទឹកសម្អាត (Washer fluid)៖ ពិនិត្យមើល និងធានាពីបរិមាណគ្រប់គ្រាន់ក្នុងការប្រើប្រាស់។

អំពូលភ្លើង៖ គួរពិនិត្យមើលពន្លឺចេញពីអំពូល ប្រាកដថាអាចប្រើការបាន ងាយស្រួលបង្ហាញផ្លូវពេលយប់។

សង្កេតមើលអាគុយ៖ ពិនិត្យមើលក្បាលអាគុយតំបន់ភ្ជាប់ចែកចាយចរន្ត ប្រាកដថាបានសម្អាត។

កាមេរ៉ា៖ គួរបំពាក់កាមេរ៉ា ចាប់សកម្មភាពធ្វើដំណើរតាមដងផ្លូវ អាចទុកជាភស្តុតាង ឬអនុស្សាវរីយ៍បាន។

ស្បែកហ្វ្រាំង៖ ដោះមើលដុំស្បែកហ្វ្រាំងកង់នីមួយៗ ដោយប្រាកដថានៅក្រាស់ល្អ អាចជួយអ្នកគ្រប់គ្រងស្ថានការណ៍ កំឡុងពេលបើកបរបាន ជាពិសេសពេលធ្វើដំណើរទៅឆ្ងាយ។

ផ្លាស់ប្ដូរប្រេង៖ បើអាច ពេលដំណើរកម្សាន្តទីឆ្ងាយ គួរផ្លាស់ប្ដូរប្រេង និងតម្រងប្រេងថ្មី ជួយរថយន្តធ្វើដំណើរ ឬសម្រួលម៉ាស៊ីនបានស្រួល។

ខ្សែពាន៖ គួរពិនិត្យមើលខ្សែពាន ប្រាកដថាមិនសឹក ឬជិតដាច់ ដែលអាចបង្កផលអាក្រក់ដល់សមាសធាតុមួយចំនួនក្នុងរថយន្ត។

លេខកូដសម្គាល់បញ្ហាខាងក្នុងម៉ាស៊ីន៖ រន្ធ OBD-II ក្នុងរថយន្តចាប់ពីឆ្នាំ ១៩៩៦ ឡើងទៅ អាចប្រាប់ឲ្យដឹងពីបញ្ហាខាងក្នុងម៉ាស៊ីន តាមរយៈលេខកូដតំណាង។ រថយន្តកាន់តែថ្មី មានលេខកូដសម្គាល់កាន់តែច្រើន។