កីឡាករ Real ៣រូបនេះ អាចនឹងអវត្តមានក្នុងជំនួប El Clasico ខាងមុខ
- 2018-05-03 13:03:04
- ចំនួនមតិ 0 | ចំនួនចែករំលែក 0
កីឡាករ Real ៣រូបនេះ អាចនឹងអវត្តមានក្នុងជំនួប El Clasico ខាងមុខ
ចន្លោះមិនឃើញ
ខ្សែការពារ Raphael Varane ខ្សែការពារស្លាប Dani Carvajal និងខ្សែបម្រើ Isco ត្រូវបាន Marca រាយការណ៍ថា អាចនឹងមិនចូលលេងក្នុងប្រកួតជាមួយ Barcelona នៅថ្ងៃខាងមុខ ដោយសារបញ្ហារបួស។
ក្នុងថ្ងៃព្រហស្បត្តិ៍នេះ Varane មិនបានចូលហាត់ជាមួយក្រុមទេ ដោយសារបញ្ហារបួសកំភួនជើង ដែលតាមយាយីតាំងពីប្រកួត Champions League ជាមួយ Bayern Munich កាលពីថ្ងៃអង្គារកន្លងទៅ។
Isco ក៏ដូច ខ្សែការពារបារាំង Varane ដែរ។ កីឡាករមិនបានចូលហាត់ជាមួយក្រុមទេ ក្នុងថ្ងៃនេះ ដោយសារបញ្ហារបួសស្មា។
ដោយឡែក កីឡាករម្នាក់ទៀត គឺ Dani Carvajal។ កីឡាករអេស្ប៉ាញ បានពើបប្រទះមានបញ្ហារបួសសរសៃពួរតាំងពីចុងខែមេសាមក ហើយមិនទាន់ជាសះស្បើយនៅឡើយទេ។
សូមបញ្ជាក់ផងដែរថា ក្លឹប Real Madrid នឹងប្រកួតជាមួយក្លឹប Barcelona នៅវេលាម៉ោង ១:៤៥ រំលងអាធ្រាត្រថ្ងៃអាទិត្យខាងមុខនេះ៕