ភ្ញាក់ផ្អើលទំហំ File ទិន្នន័យទាញពី Apple មានទំហំត្រឹម 9MB

2018-05-06 02:48:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jefferson Graham ជាអ្នកសរសេរអត្ថបទផ្នែកបច្ចេកវិទ្យាឲ្យវេបសាយ USA Today បង្ហាញលទ្ធផលគួរឲ្យភ្ញាក់ផ្អើលចំពោះអតិថិជនរបស់ Apple។

ទិន្នន័យផ្ទាល់ខ្លួនរបស់ Graham ទាញចេញជាទម្រង់ Zip file ពី Facebook មានទំហំ 881MB ខណៈ Google ទំហំ 243MB។ ចម្លែកអី Apple មានត្រឹមតែ 9MB។

លោក Tim Cook ក៏ធ្លាប់បានបញ្ជាក់ហើយថា Apple អាចបង្កើតលុយជាច្រើន បើក្រុមហ៊ុនប្រើទិន្នន័យអតិថិជន បម្លែងជាទម្រង់ណាមួយ (Monetize) ក្នុងការបង្កើតលុយ តែក្រុមហ៊ុនសម្រេចចិត្តមិនធ្វើ។

ក្នុង File ទំហំ 9MB មានត្រឹមព័ត៌មានតិចតួចដូចជា បញ្ជីអ៊ីមែល, កម្មវិធី និងចម្រៀងបានទាញយក ព្រមទាំងទិន្នន័យការជួសជុលរបស់ Apple device។

ចំពោះការស្នើទាញយកទិន្នន័យផ្ទាល់ខ្លួន Apple តម្រូវព័ត៌មានអាសយដ្ឋាន លេខទូរសព្ទ និងលេខ Serial number របស់ Device ដើម្បីផ្ទៀងផ្ទាត់ជាមុន ហើយរយៈពេលអាចដល់ទៅ ៨ ថ្ងៃ ទើបទទួលបាន។

បើមើលមួយជ្រុងទៀតអាចនឹងមិនចម្លែកដោយសារ Apple ត្រឹមលក់ Hardware, Software និង សេវាកម្មខ្លួន ចំពោះការចំណាយរបស់អតិថិជន ខណៈ Google និង Facebook ប្រើទិន្នន័យអ្នកប្រើប្រាស់ជាផលិតផលក្នុងការរកផលចំណេញ៕