រថយន្ត Mercedes ម៉ូឌែលថ្មី បង្កប់បច្ចេកវិទ្យា AI ណែនាំអ្នកបើកបរ

2018-05-07 04:22:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រកាសបង្ហាញនូវកម្មវិធី AI ឲ្យឈ្មោះ Ask Mercedes កាលពីចុងឆ្នាំ ២០១៧ ក្រុមហ៊ុនផលិតរថយន្តរបស់ប្រទេសអាល្លឺម៉ង់ ក៏សម្រេចនាំយកកម្មវិធីមានប្រយោជន៍នេះមកបំពាក់លើត្រកូលរថយន្ត E-Class និង S-Class មានសមត្ថភាពផ្តល់ឲ្យអតិថិជនអាចសិក្សាស្វែងយល់ពីមុខងារថ្មីនិងគ្រឿងបង្គំមួយចំនួនក្នុងតួរថយន្ត។

បច្ចេកវិទ្យានេះដំណើរការដោយប្រព័ន្ធកាមេរ៉ានិងការបង្ហាញទិន្នន័យមាតិកាពីកុំព្យូទ័រ ផ្តល់ឲ្យអ្នកប្រើប្រាស់ទទួលបានចម្លើយពិតៗខាងក្នុងផ្នែករថយន្ត ពោលគឺអំឡុងអ្នកយកស្មាតហ្វូនទៅស្កេនត្រង់ចំណុចមុខងារ (Function) នៃទីតាំងណាមួយ ភ្លាមនោះកម្មវិធីនឹងឆ្លើយតបមកវិញតាមរយៈការពិព័រណ៍ជាអក្សរ រូបភាព និងវីដេអូ។

សមាជិកក្រុមប្រឹក្សាភិបាលនៃក្រុមហ៊ុន Daimler AG លោក Britta Seeger បានមានប្រសាសន៍ថា៖ "យើងកំពុងបង្កើតបទពិសោធន៍មានលក្ខណៈផ្ទាល់ខ្លួនដល់អតិថិជន ដែលហួសពីយានយន្តធម្មតា ជាមួយនឹងភាពច្នៃប្រឌិតដូចជា Ask Mercedes ក្នុងផែនការពង្រីកប្រព័ន្ធអេកូឌីជីថល"។

កម្មវិធី Ask Mercedes នឹងបើកឲ្យប្រើប្រាស់កាន់តែធំទូលាយក្នុងរយៈពេលប៉ុន្មានខែបន្ទាប់ ហើយនឹងអាចទាញយកបានលើ App Store សម្រាប់ iPhone 6 ឬខ្ពស់ជាងនេះ ជាមួយ iOS ឡើងទៅ។