យុវជនខ្មែរបញ្ចប់វគ្គសិក្សាពីអាមេរិក ប្រាប់ពីគម្រោងជួយក្មេងស្រីនៅ៣ប្រទេស
- 2018-05-07 04:10:07
- ចំនួនមតិ 0 | ចំនួនចែករំលែក 0
យុវជនខ្មែរបញ្ចប់វគ្គសិក្សាពីអាមេរិក ប្រាប់ពីគម្រោងជួយក្មេងស្រីនៅ៣ប្រទេស
ចន្លោះមិនឃើញ
ថ្មីៗនេះ យុវជនខ្មែរម្នាក់ ដែលទើបតែបញ្ចប់ការចូលរួមវគ្គ ខ្លី នៅតាមសហគមន៍នានា នៅសហរដ្ឋអាមេរិក បានបង្ហើបពីគម្រោងថ្មី១ ដែលអាចជួយជំរុញ ការសិក្សារបស់ក្មេង ស្រីជនបទ ចំនួន ៤៥នាក់ នៅ៣ប្រទេស ក្នុងសហគមន៍អាស៊ាន។
លោក ទឹម សុវណ្ណរ៉ុង **ជាអតីតបេក្ខជនចូលរួមកម្មវិធីផ្លាស់ប្ដូរការសិក្សាទៅកាន់សហរដ្ឋអាមេរិក ក្នុងកម្មវិធី Young Southeast Asian Leaders Initiative (YSEALI) បានប្រាប់ថា លោក រួមនឹងបេក្ខជនអាស៊ាន ២នាក់ មកពីប្រទេសថៃ និងឡាវ នឹងចូលរួមគ្នាធ្វើគម្រោងមួយ ដែលមានឈ្មោះថា E- Girl- Mentoring Program ឬហៅជាភាសាខ្មែរថា គម្រោងជួយដល់ការសិក្សារបស់ក្មេងស្រី។**
លោក ទឹម សុវណ្ណរ៉ុង បន្ត ថា ក្មេងស្រីចំនួន៤៥នាក់ ក្នុងចំណោម ៣ប្រទេស កម្ពុជា ថៃ និងឡាវ ដែលមាន១៥នាក់ក្នុង១ ប្រទេស នឹងត្រូវជ្រើសរើសឲ្យចូលរួមក្នុងគម្រោងនេះ។
មូលហេតុដែលនាំឲ្យយុវជនខ្មែររូបនេះ បង្កើតគម្រោងខាងលើ គឺដោយសារតែលោក និងមិត្តភ័ក្ដិ ចង់ចែករំលែកបទ ពិសោធ ពីការចូលរួមវគ្គខ្លី នៅអាមេរិក និងចូលរួមជំរុញ ក្មេងស្រី នៅតាមតំបន់សហគមន៍ក្រីក្រ និងដាច់ស្រយាល។
ក្រៅពីនេះគម្រោងថ្មីដែលមានរយៈពេល១ឆ្នាំ លោកក៏ចង់ជួយ កុមារី ដែលកំពុងរស់នៅក្នុងគ្រួសារមានអំពើ ហិង្សា ប្រឈមនឹងការបោះបង់ការសិក្សាឲ្យពួកគេ មានឱកាសបន្តរៀនឲ្យបានច្រើន ចប់ចុងចប់ដើម ចាប់ពីថ្នាក់បឋមសិក្សាឡើងទៅ។
លោក ទឹម សុវណ្ណរ៉ុង ក៏បានបញ្ជាក់ថា គម្រោង E- Girl- Mentoring Program នឹងមានការសុំសហការពីអង្គការដៃគូ និងក្រសួងអប់រំយុវជន និងកីឡា នៃប្រទេសទាំងបី ដើម្បីដឹងពីតំបន់ជនបទអាទិភាព និងធ្វើសកម្មភាពទៅជោគជ័យ។
ក្រៅពីជួយជំរុញការអប់រំក្មេងស្រីនៅជនបទ នៃគម្រោងនេះ នឹងមានផ្ដល់ជំនាញមួយចំនួនទៀតដូចជា Soft Skill ឬហៅថាជំនាញទន់ ដើម្បីជាគន្លឹះ ជួយឲ្យអ្នកចូលរួមយល់ពី គុណតម្លៃជីវិត និងការផ្លាស់ប្តូរការសិក្សាគ្នា ទៅកាន់ប្រទេសទាំងបី កម្ពុជា ថៃ ឬប្រទេសឡាវ ជាដើម។