គិតឲ្យច្បាស់សិន ក៏មិនទាន់ហួសពេលដែរ អ្នកចង់ទិញ MacBook Pro ២០១៧ ថ្មី ឬត្រូវចាំម៉ូដែលក្រោយទៀត

2018-05-08 01:31:27
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយពី Macbook មានអ្នកស្រលាញ់ចង់បានមិនតិចទេ ដោយសារការរចនារូបរាងដ៏ទាក់ទាញ និងភាពងាយស្រួលក្នុងការប្រើប្រាស់ ខណៈតម្លៃក៏ថ្លៃគួរសមដែរ។

MacBook Pro ថ្មីឆ្នាំ ២០១៧ មានរូបរាងស្ដើងស្រាល ថ្មប្រើបានយូរ ប្រើរន្ធភ្ជាប់ USB C មានមុខងារ Touch ID និង Touch Bar ថ្មី (តាមម៉ូដែល) ងាយស្រួលក្នុងការ Control បានលឿន រួមទាំងបានប្រើ Chip ថ្មី Kaby Lake របស់ Intel។ ម្យ៉ាងវិញទៀត ក៏ផ្ដល់ពណ៌ប្រផេះ (Space Gray) លើម៉ូដែល MacBook Pro ទំហំ ១៣ អ៊ីង និង ១៥ អ៊ីងផងដែរ។

បើអ្នកមានបំណងចង់ទិញ MacBook Pro ម៉ូដែលនេះ (២០១៧) គ្មានអ្វីរារាំងបានទេ តែអាចមើលហេតុផលទាំងនេះជាអំណះអំណាងបន្ថែម។

១) ទិញដោយសាររូបរាងស្ដើង និងមាន Touch Bar

MacBook Pro ថ្មីនេះ ស្ដើង ស្រាល ដោយ Apple កាត់បន្ថយ និងបង្រួមទំហំ ២០ ទៅ ២៣% ដើម្បីឲ្យស្ដើង ដោយមិនកាត់បន្ថយកម្រិតថាមពលថ្មប្រើប្រាស់ ល្បឿន ឬទំហំអេក្រង់។ ម៉ូដែលថ្មីជាមួយ Touch Bar អាចចុចលើអេក្រង់វែងតូចមួយនៅខាងលើ Keyboard ងាយស្រួលចូលប្រើមុខងារកម្មវិធីបានរហ័ស។

អេក្រង់ Touch Bar នឹងប្ដូរ Control សម្រាប់ប្រើប្រាស់អាស្រ័យតាមកម្មវិធីកំពុងប្រើ។ ក្រៅពី Touch Bar ចំពោះ Force Touch trackpad ថ្មី មានទំហំធំជាងមុនពីរដងលើ Trackpad របស់ MacBook Pro ឆ្នាំ ២០១៥។

២) ទិញដោយសារចង់បាន Storage ធំ

MacBook Pro ឆ្នាំ ២០១៧ មានជម្រើស Storage SSD ដល់ទៅ 2TB ប៉ុន្តែសម្រាប់តែម៉ូដែល ១៥ អ៊ីងជំនាន់ចុងក្រោយប៉ុណ្ណោះ។

៣) ទិញដោយសារចង់បានជម្រើសសាកថ្មបានលឿន

ជាមួយនឹងរន្ធ USB C អាចឲ្យអ្នកប្រើភ្ជាប់ Monitors បានច្រើន និងលទ្ធភាពបញ្ជូនទិន្នន័យ ក៏ដូចជាការសាកថ្មបានលឿន។ USB C មានទំហំតូចស្ដើងជាង រន្ធ USB ធម្មតា, រន្ធ HDMI ឬ MagSafe charger connection។ សម្រាប់ Device មានក្បាលភ្ជាប់ផ្សេង អាចប្រើ USB C adapters ភ្ជាប់នឹងរន្ធ MacBook Pro បំបែកចេញប្រើបាន។

បច្ចេកវិទ្យាភ្ជាប់ថ្មីនេះ អាចបង្ហាញរូបរាងលើអេក្រង់ពីរកម្រិត 4K ឬ 5K ដោយអាស្រ័យលើម៉ូដែល MacBook Pro។

៤) ទិញដោយសារចង់បានល្បឿនប្រើប្រាស់លឿន

Macbook Pro ថ្មីមាន Chip Processors និង Graphic ដំណើរការល្អប្រសើរជាងមុន អាចប្រើសម្រាប់លេងហ្គេម កាត់តវីដេអូ ឬរចនារូបភាពនានា។

ជាមួយនឹងជម្រើស Dual-core Intel Core i5 ឬ Quad-core Core i7 Processor ហើយនឹង ជម្រើស Intel ឬ AMD Radeo Pro graphic ថ្មី ធ្វើឲ្យ MacBook Pro ឆ្នាំ ២០១៧ ដំណើរការលឿន។ ជំនាន់ម៉ូដែលចុងក្រោយ ប្រើ Chip Processor Intel Kaby Lake ថ្មី ជួយពង្រឹងដល់សមត្ថភាពប្រើប្រាស់ម៉ាស៊ីនកាន់តែល្អ។

៥) ទិញដោយសារចង់បាន Touch ID និង Apple Pay

MacBook Pro ថ្មីមាន Touch ID ស្ថិតនៅជ្រុងស្ដាំខាងលើ អាចចុចប្រើម្រាមដៃពីលើ ផ្ទៀងផ្ទាត់ម្ចាស់កម្មសិទ្ធិងាយស្រួលក្នុងការចំណាយក្នុង Apple Pay និង Login ចូលប្រើប្រាស់។ នេះអាចឲ្យអ្នកប្រើ ទិញអ្វីៗក្នុង iTunes និងការដំឡើងកម្មវិធីបានងាយស្រួល ជាងការវាយបញ្ចូលលេខសំងាត់។

បើម៉ាស៊ីនមាន អ្នកប្រើប្រាស់ពីរ ឬច្រើនអ្នកអាចចុចលើ Touch ID នឹងប្ដូរអ្នកប្រើប្រាស់ (Switch users)។ រាល់ទិន្នន័យស្កេនក្រយៅដៃ Touch ID រក្សាទុកលើ Chip T1 ថ្មី ដែលជាប្រភេទសុវត្ថិភាពដូចនឹង Touch ID លើ iPhone ដែរ។

៦) ទិញ MacBook Pro ជំនួស MacBook Air វិញ

Apple បានធ្វើកំណែទម្រង់តិចតួចលើ MacBook Air សម្រាប់ឆ្នាំ ២០១៧ ខណៈតម្លៃខុសគ្នាប្រហែល ៣០០ ដុល្លារ ជាមួយនឹង MacBook Pro។

តម្លៃក៏មិនតិចដែរ តែបើទិញ MacBook Pro ១៣ អ៊ីង អាចរក្សាតម្លៃប្រើប្រាស់បានយូរ ជាមួយសមត្ថភាពដ៏ល្អអាចប្រើពី ៣ ទៅ ៤ ឆ្នាំដែរ។

៧) កុំទិញ ដោយសារត្រូវការចំណុចបន្ថែមពី Apple

ការរង់ចាំជាយូរសម្រាប់ MacBook Pro ថ្មី ២០១៧ ដោយ Apple បានពង្រឹងសមត្ថភាពពី MacBook Pro ឆ្នាំ ២០១៦ ដោយមានល្បឿនដំណើរការល្អប្រសើរជាមួយ Chip Processor Intel Kaby Lake ថ្មី និង Graphic cards កម្រិតចុងក្រោយ។

MacBook Pro ឆ្នាំ ២០១៧ អាចប្រើ RAM បានតែ 16GB ហាក់មិនទាន់គ្រប់គ្រាន់ចំពោះអ្នកប្រើលក្ខណៈអាជីព ដូចជាត្រូវការដំណើរការ Virtual Machine ច្រើនជាដើម។

ដូច្នេះ គួររង់ចាំ Macbook Pro ឆ្នាំ ២០១៨ ជាមួយលក្ខណៈសម្បត្តិល្អប្រសើរថ្មី និងប្រហែលអាចបន្ថែម RAM បានច្រើនជាងនេះ។

៨) កុំទិញ បើតម្លៃជាបញ្ហាសម្រាប់អ្នក

ម៉ូដែល MacBook Pro ថ្មីមានតម្លៃថ្លៃ។ Apple បានកាត់បន្ថយតម្លៃ អាចទិញបានតម្លៃប្រហែល ១ ២៩៩ ដុល្លារ តែមិនមាន Touch Bar នោះទេ។ បើចង់បាន អាចចំណាយច្រើនជាងនេះ។

អ្នកប្រើប្រាស់ជាច្រើនសម្លឹងឃើញ MacBook Pro ឆ្នាំ ២០១៥ ឬរបស់មួយទឹក អាចជាជម្រើសល្អប្រសើរជាង។

៩) កុំទិញ បើត្រូវការរន្ធភ្ជាប់ច្រើនប្រភេទ

MacBook Pro ឆ្នាំ ២០១៧ មានរន្ធ Thunderbolt 3 USB C ល្បឿនលឿន (បញ្ជូនទិន្នន័យ និងសាកថ្ម) តែមិនមានរន្ធភ្ជាប់ SD Card, HDMI និងរន្ធផ្សេងទៀតនោះទេ។ ហើយក៏មិនមានរន្ធ MagSafe connection សាកថ្ម ដែរ បើពេលកំពុងប្រើ នរណាម្នាក់ដើរទាក់ខ្សែ MacBook ប្រាកដជាធ្លាក់។

បើទិញត្រូវការចំណាយថវិកាបន្ថែមលើ USB C Adapters ទើបអាចប្រើគ្រប់ឧបករណ៍ធ្លាប់ប្រើប្រចាំថ្ងៃបាន។ ហើយត្រូវយកតាមខ្លួនរាល់ពេលទៀត អាចពិចារណា MacBook Pro ម៉ូដែលចាស់ជំនួសវិញបាន។

១០) កុំទិញ បើមិនប្រញាប់

MacBook Pro ឆ្នាំ ២០១៨ នឹងអាចមានវត្តមាននៅក្នុងខែ មិថុនា ឬកក្កដា ដោយអាចបំពាក់ Chip Processor Intel Coffee Lake ផ្ដល់ល្បឿនកាន់តែល្អប្រសើរលើម៉ូដែល ទំហំ ១៣ អ៊ីង និង ១៥ អ៊ីង។ បើមិនប្រញាប់ប្រើនោះទេ អាចរង់ចាំជំនាន់ក្រោយនេះបាន៕