លោក ប្រាក់ សុវណ្ណារ៉ា មើលឃើញរឿងមួយសំខាន់មែនទែនសម្រាប់យុវជន

2018-05-08 02:59:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាក់ សុវណ្ណារ៉ា គ្រូបង្វឹក U21 ជម្រើសជាតិកម្ពុជាមើលឃើញថា កីឡាករយុវជនរបស់កម្ពុជាដែលកំពុងលេងនៅតាមក្លឹបគួរតែបានលេងឲ្យជាប់ ជារួមកាន់តែច្រើនគឺកាន់តែល្អ ដើម្បីអភិវឌ្ឍន៍យុវជនកម្ពុជាឲ្យកាន់តែខ្លាំង។

លោក ប្រាក់ សុវណ្ណារ៉ា

ក្រុមជម្រើសជាតិកម្ពុជាក្រោមអាយុ ២១ឆ្នាំបានមកដល់ទឹកដីកំណើតកាលពីយប់មិញនេះ ក្រោយប្រជែងបានជើងឯករងពានស្ដេចប្រ៊ុយណេ។ ទាក់ទងការអភិវឌ្ឍយុវជនលោក ប្រាក់ សុវណ្ណារ៉ា បានឲ្យដឹងថា តាមពិតទៅកីឡាកររបស់កម្ពុជាបច្ចុប្បន្នមិនអន់ទេ ពួកគេអាចលេងខ្លាំងគ្រប់តំបន់ទាំងការពារ និងប្រយុទ្ធ ពោលគឺមានភាពប្រដំប្រសងគ្នាជាមួយប្រទេសផ្សេង។ ចំណុចដែលធ្វើឲ្យក្រុមយុវជនកម្ពុជាខ្លាំងជាងពីមុននោះ ពីព្រោះគ្រប់កីឡាករយុវជនទាំងអស់បានបង្ហាញខ្លួនលេងឲ្យក្លឹបសឹងគ្រប់ប្រកួត។

លោកបញ្ជាក់ថា ការដាក់ឲ្យយុវជនលេងនៅតាមក្លឹបនេះគឺជារឿងសំខាន់បំផុត ក្នុងការរួមចំណែកអភិវឌ្ឍន៍វិស័យបាល់ទាត់។ យុវជនទាំងអស់នេះហើយជាអ្នកស្នងបាល់ទាត់ បើពួកគេបានលេងកាន់តែច្រើន ធ្វើឱ្យសមត្ថភាព ឬក៏បទពិសោធនៅលើទីលានរបស់ពួកគេកាន់តែខ្លាំងឡើង។ ទាក់ទងចំណុចនេះលោកក៏អរគុណខ្លាំងមែនទែន ដល់បណ្ដាក្លឹបទាំងអស់ ដែលបានផ្ដល់ឱកាសឲ្យដាក់យុវជនលេងនៅពេលការប្រកួតក្នុងលីគ។

សូមបញ្ជាក់ថា ក្រុមយុវជនកម្ពុជា ដែលបានចូលរួមទៅប្រកួតពានស្ដេចប្រ៊ុយណេនេះគឺសុទ្ធតែបានបង្ហាញខ្លួនក្នុងលីគកំពូលសឹងគ្រប់ប្រកួត៕