Xiaomi Mi 7 ម៉ាស៊ីនខ្លាំង បច្ចេកវិទ្យាទំនើបកប់ តែតម្លៃលឺថាមិនដល់ ៥០០ ដុល្លារ

2018-05-08 11:27:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងល្អសម្រាប់អ្នកគាំទ្រស្លាកយីហោ Xiaomi ដោយក្រុមហ៊ុនចិនត្រៀមប្រកាសបង្ហាញនូវស្មាតហ្វូនជំនាន់ក្រោយម៉ូឌែល Mi 7 ដែលមានតម្លៃតែ ២ ៧៩៩ យន់ឬ ៤៣៩ ដុល្លារ ។ នេះផ្អែកតាមគេហទំព័រលក់ទំនិញ Online មួយបានប្រកាសលក់។

ចំណុចគួរឲ្យស្ងើចសរសើរថ្វីបើលក់ក្នុងតម្លៃធូរថ្លៃ ប៉ុន្តែលក្ខណៈសម្បត្តិម៉ាស៊ីន Mi 7 ត្រូវបានគេទម្លាយថាហក់ចង់ក្បែរស្មាតហ្វូនថ្លៃពាន់ដុល្លារ ដោយប្រើឈីបជំនាន់ក្រោយ Qualcomm Snapdragon 845 អម RAM ធំទំហំ 6GB និងអង្គផ្ទុក 64GB។ បច្ចេកវិទ្យាទំនើបកប់មិនងាយមានលើស្មាតហ្វូនដទៃ ដោយអាចស្កេនខ្ចៅដៃបង្កប់ក្រោមអេក្រង់ បន្ថែមនឹងមុខងារសុវត្ថិភាពស្កេនផ្ទៃមុខ 3D ទៀតផង។

ចំពោះរូបរាងរចនាតាមគន្លងក្បាលឆកដែលកំពុងពេញនិយម ប៉ុន្តែមានផ្ទៃអេក្រង់ធំ និងស្នាមឆកវែងប្រហែល iPhone X ហើយខ្នងក្រោយប្រើកាមេរ៉ាភ្លោះអមគ្រាប់ Flash មួយគ្រាប់។ យ៉ាងណាមិញចំពោះលក្ខណៈសម្បត្តិលម្អិតច្រើនជាងនេះ ពុំទាន់មានការបង្ហើបពីប្រភពច្បាស់ការណាមួយនៅឡើយ។