ទ្រាំលែងបាន! អ៊ីរ៉ង់ បាញ់រ៉ុក្កែត ២០គ្រាប់ដាក់អ៊ីស្រាអែល ជាការសងសឹក

2018-05-10 02:07:06
ចំនួនមតិ 0 | ចំនួនចែករំលែក 0

ចន្លោះមិនឃើញ

រ៉ុក្កែតចំនួន ២០គ្រាប់ត្រូវបានរាយការណ៍ថា បានបាញ់ចេញពីស៊ីរីដោយទាហានអ៊ីរ៉ង់ សំដៅរកទីតាំងទាហានជួរមុខរបស់ អ៊ីស្រាអែលនៅតំបន់ Golan Heights កាលពីយប់មិញ។

យោងតាមអ្នកនាំពាក្យកម្លាំងការពារអ៊ីស្រាអែល ឲ្យដឹងថា "នៅវេលាម៉ោង ១២:១០នាទី រំលងអាធ្រាត្រ យោធារបស់អ៊ីរ៉ង់បានបាញ់រ៉ុក្កែតចំនួន ២០គ្រាប់មកលើទាហានអ៊ីស្រាអែល។ ទោះយ៉ាងណាក៏ដោយ រ៉ុក្កែតមួយចំនួនត្រូវបានបាញ់ស្ទាក់ដោយប្រព័ន្ធការពាររបស់អ៊ីស្រាអែល ជាហេតុធ្វើឲ្យមានការខូចខាតតិចតួចប៉ុណ្ណោះ។"

គួររំលឹកថា កាលពីម្សិលមិញអ៊ីស្រាអែលបានបើកការវាយប្រហារផ្លូវអាកាសដោយមីស៊ីលជាច្រើនគ្រាប់សំដៅឃ្លាំងផ្ទុកអាវុធរបស់អ៊ីរ៉ង់ដែលមានមូលដ្ឋាននៅភាគខាងត្បូងនៃរដ្ឋធានី Damascus ប្រទេស ស៊ីរីរហូតធ្វើឲ្យទាហានអ៊ីរ៉ង់ចំនួន ៩ នាក់ស្លាប់បាត់បង់ជីវិត៕

សូមទស្សនាវីដេអូខាងក្រោម ៖

ចុចអាន ៖

ប្រភព៖ Dailymail ប្រែសម្រួល ៖ រ័ត្ន