ពន្យារពេលយូរពេក Apple សម្រេចលុបចោលគម្រោងតម្លៃ ១ពាន់លានដុល្លារ

2018-05-11 06:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple បានលុបចោលគម្រោងសាងសង់រោងចក្រតម្លៃ១ពាន់លានដុល្លារ នៅក្នុងប្រទេសអៀរឡង់ ដោយសារតែការពន្យារពេលយល់ព្រមលើគម្រោងនេះជាច្រើនលើកច្រើនសារបស់រដ្ឋាភិបាល។

គម្រោងរោងចក្រតម្លៃ១ពាន់លានដុល្លារ នៅប្រទេសអៀរឡង់

ដំបូងឡើយ Apple បានស្នើសុំរដ្ឋាភិបាលអៀរឡង់លើគម្រោងសាងសង់រោងចក្រ នៅក្នុងឆ្នាំ២០១៥ ហើយរំពឹងនឹងអាចបើកដំណើរការនៅក្នុងឆ្នាំ២០១៧។ ប៉ុន្តែវាត្រូវបានពន្យារពេលទទួលបានការយល់ព្រមពីរដ្ឋាភិបាលជាច្រើនដង ហើយមកទល់នឹងបច្ចុប្បន្ននេះអៀរឡង់នៅមិនទាន់បើកភ្លើងខៀវឲ្យ Apple នៅឡើយទេ។

"ទោះជាយើងខំប្រឹងយ៉ាងណា ការពន្យារពេលនៅក្នុងដំណើរការយល់ព្រមបានបង្ខំឲ្យយើងត្រូវសម្រេចធ្វើគម្រោងផ្សេងទៀត ហើយយើងនឹងមិនអាចដំណើរការបន្តជាមួយនឹងគម្រោងសាងសង់រោងចក្រផ្ទុកទិន្នន័យនេះឡើយ។

ខណៈពេលដែលកំពុងខកចិត្តអំពីរឿងនេះ ភាពបរាជ័យនេះនឹងកាត់បន្ថយចំណាប់អារម្មណ៍របស់យើងសម្រាប់គម្រោងទៅថ្ងៃអនាគតនៅប្រទេសអៀរឡង់ ស្របពេលដែលជំនួញរបស់យើងកំពុងបន្តលូតលាស់" នេះជាការរៀបរាប់របស់ Apple។

សកម្មភាពនៅក្នុងរោងចក្រ Foxcon នៅចិន

ឆ្លើយតបនឹងបញ្ហានេះ លោកស្រី Heather Humphreys រដ្ឋមន្ត្រីក្រសួងពាណិជ្ជកម្មអៀរឡង់ បានឲ្យដឹងថា លោកស្រីពិតជាសោកស្ដាយណាស់ចំពោះការសម្រេចចិត្តរបស់ Apple។ លោកស្រីរដ្ឋមន្ត្រី បាននិយាយថា៖ "ការពន្យារពេលទាំងនេះ គូសបញ្ជាក់ពីតម្រូវការរបស់យើង ដើម្បីធ្វើយ៉ាងណាឲ្យផែនការរបស់រដ្ឋ និងដំណើរការច្បាប់កាន់តែមានប្រសិទ្ធភាពតែប៉ុណ្ណោះ"៕

អានអត្ថបទបន្ត៖

ប្រភព៖ Kley Kley ប្រែសម្រួល៖ ឈាង