Neymar ៖ Real Madrid? Man Utd? ខ្ញុំកំពុងធុញនឹងរឿងនេះហើយ
- 2018-05-15 03:45:54
- ចំនួនមតិ 0 | ចំនួនចែករំលែក 0
Neymar ៖ Real Madrid? Man Utd? ខ្ញុំកំពុងធុញនឹងរឿងនេះហើយ
ចន្លោះមិនឃើញ
ខ្សែប្រយុទ្ធ Neymar បាននិយាយដោយផ្ទាល់ថាខ្លួនកំពុងតែធុញរឿងដែលគេនិយាយថាទៅ Real Madrid ឬ Manchester United ហើយ។
កីឡាករដែលពុំសូវបានបង្ហាញខ្លួននៅលីគបារាំង ក្រោយពីរបួសតាំងពីខែកុម្ភៈមកនោះ បានឈ្នះពានរង្វាន់កីឡាករឆ្នើមជាងគេនៅ Ligue 1 កាលពីម្សិលមិញនេះ។ រដូវកាលដំបូងជាមួយ PSG នេះ បើគិតតែក្នុងលីគវិញ Neymar លេងបាន២០ប្រកួត និងរកគ្រាប់បាល់បាន១៩គ្រាប់។
ជាមួយនឹងការបានពាននេះដែរ អតីតកីឡាកររបស់ Barcelona រូបនេះ បាននិយាយថា៖ “Real Madrid ? Manchester United ? អ្នកគ្រប់គ្នាដឹងពីអ្វីដែលខ្ញុំមកទីនេះ ដើម្បីការងារជាមួយ PSG ។ គោលបំណងរបស់ខ្ញុំនៅពេលនេះគឺផ្ដោតទៅលើ World Cup ។ វាមិនមែនជាពេលនិយាយរឿងដោះដូរទៅណានោះទេ ខ្ញុំដូចជាធុញទ្រាន់ចំពោះរឿងនេះហើយ”។
កីឡាករវ័យ២៥ឆ្នាំខាងលើ ត្រូវបានបណ្ដាញសារព័ត៌មានជាច្រើនចុះផ្សាយថារូបគេនឹងផ្លាស់ទៅ Real Madrid នៅពេលខាងមុខនេះ ក្រោយពីមិនជោគជ័យខ្លាំងនៅ PSG ៕