ទីបំផុត! ចាប់បានមេដឹកនាំ ISIS ក្រោយដុតបុរសម្នាក់ទាំងរស់ (មានវីដេអូ)

2018-05-16 02:50:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំ ISIS មួយរូបដែលស្ថិតពីក្រោយការដុតសម្លាប់បុរសម្នាក់ក្នុងទ្រុងយ៉ាងសាហាវព្រៃផ្សៃនោះ ត្រូវបានចាប់ខ្លួនហើយកាលពីសប្ដាហ៍មុនក្នុងប្រទេស អ៊ីរ៉ាក់។

បុរសព្រៃផ្សៃរូបនេះ ត្រូវបានគេស្គាល់ឈ្មោះថា Saddam al-Jamal គឺជាមេដឹកនាំជាន់ខ្ពស់មួយរូបរបស់ក្រុម ISIS ហើយស្ថិតពីក្រោយការសម្លាប់មនុស្សរាប់សិបនាក់។ លើសពីនេះទៀត រូបគេក៏មានឈ្មោះល្បីល្បាញជាមេដឹកនាំ ISIS ដែលមានចូលចិត្តកាត់ក្បាលអ្នកទោសដោយខ្លួនឯងទៀតផង។

យោងតាមមន្ត្រីប៉ូលិសឲ្យដឹងថា បុរសរូបនេះគឺជាអ្នកស្ថិតនៅពីក្រោយការដុតសម្លាប់អាកាសយានិកជនជាតិ ហ្ស៊កដានី ម្នាក់កាលពីឆ្នាំ ២០១៥។ វីដេអូដ៏សាហាវព្រៃផ្សៃពីសកម្មភាពដុតសម្លាប់មនុស្សទាំងរស់របស់ក្រុម ISIS បានធ្វើឲ្យពិភពលោកភ្ញាក់ផ្អើលយ៉ាងខ្លាំង និងបានថ្កោលទោសចំពោះសកម្មភាពយង់ឃ្នងដូចនេះ។

គួរបញ្ជាក់ថា ក្រោយពេលចាប់ខ្លួន លោក Al-Jamal ត្រូវបានចោទប្រកាន់ជាច្រើនករណីពីបទប្រព្រឹត្តអំពើសាហាវឃោរឃៅ ដែលរួមទាំងការសម្លាប់មនុស្សជាង ៤០០ នាក់នៅខេត្ត Deir Ezzor ប្រទេស ស៊ីរីកាលពីឆ្នាំ ២០១៤ ផងដែរ៕