កាសឥតខ្សែ OnePlus Bullets សាកថ្ម ១០ នាទី ប្រើដល់ ៥ ម៉ោង

2018-05-18 04:56:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្របនឹងការប្រកាសបង្ហាញនូវស្មាតហ្វូន OnePlus 6 ក្រុមហ៊ុនប្រទេសចិនក៏បង្ហាញព្រមគ្នានូវកាសឥតខ្សែដ៏ទំនើបឲ្យឈ្មោះ OnePlus Bullets ដែលមានតម្លៃ ៦៩ ដុល្លារ ។ លក្ខណៈពិសេសជាប្រភេទកាសមានសារធាតុម៉ាញេទិច អាចធុននឹងទឹក ញើស សក្ដិសមសម្រាប់អតិថិជននិយមធ្វើលំហាត់ប្រាណ។

គាំទ្រការប្រើប្រាស់ធំទូលាយលើស្មាតហ្វូន OnePlus 6 ឬ 5/5T ជាមួយមុខងារឆ្លាតវៃ Google Assistant ។ បន្ថែមបច្ចេកវិទ្យាសាកថ្មរហ័ស Fast Dash Charging អនុញ្ញាតឲ្យអ្នកប្រើចំណាយពេល ១០ នាទីដើម្បីសាកថ្ម តែអាចប្រើដល់ ៥ ម៉ោង ដោយនេះជាចំណុចពិសេសផ្សេងទៀតដែលកាសឥតខ្សែដទៃកម្រធ្វើបាន។

គុណភាពសំឡេងច្បាស់ល្អ គាំទ្រ AptX និងមុខងារ Energy Tube ដែលត្រូវបានគេរាយការណ៍ថាមានគោលបំណងកាត់បន្ថយសំឡេងរំខានពីខាងក្រៅ ក៏ដូចជាបន្ថែមគុណភាពនៃការស្តាប់ឲ្យកាន់តែវិសេសវិសាល។ ជុំវិញការចេញលក់ជាសាធារណៈ ត្រៀមប្រព្រឹត្តិទៅនាថ្ងៃទី ៥ មិថុនាខាងមុខនេះ។