ជយោ! ក្រុមបាល់ទះវិសាខារបស់កម្ពុជា ផ្ដួលម្ចាស់ផ្ទះថៃ មុននេះក្លាយជាជើងឯក

2018-05-20 08:03:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទះវិសាខា របស់កម្ពុជាបានបង្ហាញការភ្ញាក់ផ្អើលជាខ្លាំងបន្ទាប់ពីផ្ដួលក្រុម កងទ័ពជើងគោក ម្ចាស់ផ្ទះថៃ នៅមុននេះនៃវគ្គផ្ដាច់ព្រ័ត្រពានរង្វាន់ Volleyball Tournament "Sealect Tuna" the Winner of Thailand។

ក្រុមបាល់ទះវិសាខា

ក្រុមបាល់ទះរបស់ឯកឧត្តម ស សុខា ខាងលើនេះ បង្ហាញទម្រង់លេងយ៉ាងល្អ បន្ទាប់ពីធ្វើការប្រកួតតាំងពីវគ្គជម្រុះដំបូងរហូតមកដល់វគ្គផ្ដាច់ព្រ័ត្រ មិនស្គាល់ឡើយពាក្យថាចាញ់ បើទោះជាកីឡាករក្នុងក្រុមមួយចំនួនធំមានហត់នឿយ និងមានរបួសខ្លះក្ដី។

ការប្រកួតវគ្គផ្ដាច់ព្រ័ត្រនេះ ហាក់តឹងតែងបន្តិចព្រោះក្រុមនីមួយៗ សុទ្ធតែចង់ឈ្នះ ខណៈសមត្ថភាពកីឡាករក៏ល្អដូចគ្នាផងដែរ។ ទោះយ៉ាងនេះក្ដី តែក្រុមកម្ពុជា ដែលដឹកនាំដោយលោកគ្រូ សាន សុក្រិត ព្យាយាមប្រកួតយ៉ាងស្វិតស្វាញបំផុត និងកែប្រែចំណុចខ្វះខាតមួយចំនួនឡើងវិញ រហូតអាចយកឈ្នះតែម្ដង។

រំលឹកដែរថា ក្រុមបាល់ទះកម្ពុជា វិសាខា ត្រូវបានអញ្ជើញឲ្យចូលរួមប្រកួតពានរង្វាន់ Volleyball Tournament "Sealect Tuna" the Winner of Thailand របស់ប្រទេសថៃ តាំងពីថ្ងៃទី៩ ខែឧសភា ២០១៨ មកម្ល៉េះ។ ដោយក្រុមរបស់កម្ពុជាខាងលើ ប្រកួតឈ្នះបន្តបន្ទាប់រហូតដល់ឡើងវគ្គផ្ដាច់ព្រ័ត្រថ្ងៃ ហើយផ្ដួលម្ចាស់ផ្ទះយកពានថែមទៀតផង។

អត្ថបទ៖ នួន ស៊ីណា