ក្រោយបើកអាជីវកម្មជាង ៩ ឆ្នាំ Metfone សម្រេចផ្លាស់ប្តូរស្លាកឡូហ្គោថ្មី
- 2018-05-21 07:31:19
- ចំនួនមតិ 0 | ចំនួនចែករំលែក 0
ក្រោយបើកអាជីវកម្មជាង ៩ ឆ្នាំ Metfone សម្រេចផ្លាស់ប្តូរស្លាកឡូហ្គោថ្មី
ចន្លោះមិនឃើញ
ក្រុមហ៊ុន Metfone ជាក្រុមហ៊ុនបណ្ដាញទូរសព្ទធំជាងគេនៅប្រទេសកម្ពុជា បានសម្រេចប្ដូរស្លាកឡូហ្គោថ្មីពីបៃតងក្រម៉ៅជាពណ៌ក្រហម។ ការផ្លាស់ប្តូរស្លាកសញ្ញាថ្មី ត្រូវបានក្រុមហ៊ុនបញ្ជាក់ថា ដើម្បីបង្ហាញការប្ដេជ្ញាចិត្តនិងការនាំភាពស្រស់ថ្លាឡើងវិញសម្រាប់ការអភិវឌ្ឍអាជីវកម្ម។
លោក ញ៉ុង ឌិនថន អគ្គនាយករងក្រុមហ៊ុន Metfone បានប្រាប់ថា ការផ្លាស់ប្ដូរនេះជាការវិវត្តន៍មិនមែនជាបដិវត្តទេ។ ក្រុមហ៊ុននៅតែរក្សាតម្លៃស្នូលនៃពាក្យស្លោក "កាន់តែជិតស្និទ្ធ" ក្នុងនាមជាប្រតិបត្តិការទូរសព្ទធំបំផុតនៅកម្ពុជា។
អគ្គនាយកធំក្រុមហ៊ុនទូរសព្ទដែលចាប់ចំណែកទីផ្សារអ្នកប្រើប្រាស់បានជាង ៨ លាននាក់ បញ្ជាក់យ៉ាងដូច្នេះថា ពណ៌ក្រហមគឺជាពណ៌ដ៏ស្រស់ស្អាតបែបវ័យក្មេងនិងបង្ហាញពីភាពរឹងមាំ។ លោកទទួលស្គាល់ថា Metfone ដំណើរការជាង ៩ ឆ្នាំ ដល់ពេលដែលត្រូវផ្លាស់ប្តូរ សម្រាប់ការនាំការច្នៃប្រឌិតថ្មីៗទាំងសេវាកម្មនិងផលិតផល ស្របតាមទំនោរអ្នកប្រើប្រាស់និងរបត់ប្រែប្រួលរបស់សង្គម។
ចាប់ផ្ដើមប្រតិបត្តិការសេវាទូរសព្ទនៅឆ្នាំ ២០០៩ គិតមកដល់ពេលនេះ Metfone បានចំណាយទុនវិនិយោគជាង ៦០០ លានដុល្លារលើហេដ្ឋារចនាសម្ពន្ធ។ ជាមួយស្ថានីយផ្សាយសេវាជាង ១០ ០០០ អង់តែន និងបណ្ដាញខ្សែកាបអុបទិកជាង ២៣ ០០០ គីឡូម៉ែត្រ បានគ្របដណ្ដប់ ២៥ ខេត្តក្រុង និង៩៩ភាគរយនៃប្រជាជនកម្ពុជា។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
