ចង់បានខ្សែដៃ Mi Band មែនទេ Xiaomi ជិតចេញម៉ូឌែលថ្មីទៀតហើយ!

2018-05-28 13:02:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃទី ៣១ ឧសភានៅទីក្រុង Shenzhenខាងមុខនេះ ក្រុមហ៊ុន Xiaomi នឹងប្រកាសបង្ហាញនូវខ្សែដៃឆ្លាតវៃ Mi Band 3 ស្មាតហ្វូន Xiaomi Mi 8 និងប្រព័ន្ធ MIUI 10។ នេះបើតាមការបង្ហើបពីអនុប្រធានជាន់ខ្ពស់លោក Wang Xiang បង្ហោះផ្សាយលើគណនី Twitter ផ្លូវការ។

ត្រកូល Mi Band 3 ជាការវិវត្តតគ្នាពីជំនាន់ Mi Band 2 ដែលទទួលបានការគាំទ្រខ្លាំងតាំងពីខែមិថុនា ឆ្នាំ ២០១៦។ សម្រាប់ម៉ូឌែលថ្មីក៏រំពឹងមានការរចនានូវប្រភេទខ្សែកាន់តែទំនើប និងបច្ចេកវិទ្យាមួយចំនួនដែលអាចជួយសន្សំសំចៃថ្មបានប្រសើរជាងនេះ។

បញ្ជាក់ថា Mi Band ជាប្រភេទឧបករណ៍ពាក់ជាប់នឹងដៃផ្តោតសំខាន់លើការតាមដានសុខភាពអ្នកប្រើប្រាស់ ដោយកន្លងទៅតួលេខចេញលក់មានការកើនឡើង ៣៥ ភាគរយក្នុងត្រីមាសទី ១ ឆ្នាំ ២០១៨។ ជារួមមានតែ Apple និង Xiaomi ប៉ុណ្ណោះ ក្តោបក្តាប់ទីផ្សារធំទូលាយលើប្រភេទឧបករណ៍ Wearable ពោលគឺមានចំណែកទីផ្សារ ៣៦ ភាគរយនៃត្រីមាសដំបូង ខណៈក្រុមហ៊ុនអាមេរិកលក់ចេញ Apple Watch បាន ៣,៨ លានគ្រឿង តាមប្រកិតដោយក្រុមហ៊ុនចិនលក់ Mi Band បាន ៣,៧ លានគ្រឿង ។