ហួសចិត្ត! គោមួយក្បាលនឹងត្រូវកាត់ទោសប្រហារជីវិត ក្រោយលួចឆ្លងដែនខុសច្បាប់

2018-06-03 02:31:03
ចំនួនមតិ 0 | ចំនួនចែករំលែក 0

ចន្លោះមិនឃើញ

គោមួយក្បាលដែលបានរត់ចេញពីកសិដ្ឋានក្នុងប្រទេស ប៊ុលហ្គារី ហើយឆ្លងដែនចេញពីប្រទេស នឹងត្រូវសម្លាប់ចោលដោយការបារម្ភពីសុវត្ថិភាព។

យោងតាម MailOnline ឲ្យដឹងថា គោពណ៌ក្រហមមួយក្បាលនេះបានរត់ចេញពីភូមិ Kopilovtsi ហើយឆ្លងចូលប្រទេស Serbia ដោយខុសច្បាប់។ ទោះយ៉ាងណាក៏ដោយ រយៈពេលពីរសប្ដាហ៍ក្រោយមក វាត្រូវកសិករម្នាក់ចាប់បាននិងប្រគល់ឲ្យម្ចាស់វិញ ប៉ុន្តែអាជ្ញាធរនិយាយថានឹងត្រូវសម្លាប់សត្វគោនេះចោលដោយសារច្បាប់ដ៏តឹងតែងរបស់សហភាពអឺរ៉ុប តម្រូវឲ្យសត្វដែលនាំចូលទាំងអស់ត្រូវមានឯកសារបញ្ជាក់ថាពួកវាមានសុខភាពល្អ។

លោក Harlampiev ជាម្ចាស់គោឲ្យដឹងថា "សត្វគោនេះបានចេញពីព្រំដែនសហភាពអឺរ៉ុប ដូច្នេះមិនអាចនាំចូលមកវិញបានទេ។ ទោះបីជាពេទ្យសត្វ ពិនិត្យឃើញថាវានៅមានសុខភាពល្អយ៉ាងណាក៏ដោយ ក៏អាជ្ញាធរប៊ុលហ្គារីទាមទារថាត្រូវតែសម្លាប់វាដោយគ្មានការពន្យារពេល។"