ក្រុមហ៊ុនផលិតហ្គេម Rules Of Survival បោះ ១០០ លានឲ្យក្រុមហ៊ុនអាមេរិកលើផែនការថ្មី

2018-06-04 09:34:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Bungie បាននឹងកំពុងស្ថិតក្នុងកិច្ចសហការរវាងក្រុមហ៊ុនបច្ចេកវិទ្យាប្រទេសចិន NetEase លើគម្រោងផលិតហ្គេមថ្មី ប៉ុន្តែខ្លួនសង្កត់ធ្ងន់នឹងពុំបោះបង់ការអភិវឌ្ឍបន្តនូវហ្គេម Destiny 2 នោះឡើយ។

រូបតំណាងហ្គេម Destiny 2

ក្រុមហ៊ុនបច្ចេកវិទ្យាអ៊ីនធឺណិតយក្សរបស់ចិនត្រូវបានគេរាយការណ៍ថាវិនិយោគប្រមាណ **១០០ លានដុល្លារ** តាមរយៈការទិញភាគហ៊ុនរបស់ Bungie។ ថ្លែងជាសាធារណៈក្រុមហ៊ុនអាមេរិកបានបញ្ជាក់៖ "យើងពិតជារំភើបក្រោមការប្រកាសចូលរួមជាមួយ NetEase ដើម្បីជួយរុករកទិសដៅថ្មី បន្សំនឹងការមានជំនាញខ្ពស់លើឧស្សាហកម្មហ្គេម ក្នុងការជំរុញការផលិតនូវហ្គេមថ្មី ដែលអញ្ជើញទាំងអ្នកលេងចាស់ថ្មីមកចូលរួម"។

រូបតំណាងហ្គេម Rules Of Survival

ឆ្លើយតបមកវិញ CEO ក្រុមហ៊ុន NetEase លោក William Ding បានប្រាប់សារព័ត៌មាន Business Insider ដូច្នោះថា៖ "Bungie និង NetEase បានចែករំលែកនូវចក្ខុវិស័យនិងមហិច្ឆតាតែមួយ ពោលគឺចង់ផ្តល់ជូនបទពិសោធន៍ដ៏អស្ចារ្យទៅកាន់អ្នកលេងរាប់លាននាក់ជុំវិញពិភពលោក"។

បញ្ជាក់ថា NetEase ជាក្រុមហ៊ុនជោគជ័យខ្លាំងលើវិស័យហ្គេមទាំងក្នុងកុំព្យូទ័រនិងទូរសព្ទ ដោយកន្លងទៅខ្លួនទទួលបានការគាំទ្រខ្លាំងជាមួយហ្គេម Rules Of Survival ដែលមានអ្នកលេងប្រមាណ ១០០ លាននាក់ទូទាំងសកលលោក។