បុរសគួរកក់សក់ច្រើនបំផុតត្រឹម ៣ដងក្នុងមួយសប្ដាហ៍

2014-11-14 16:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកទម្លាប់កក់សក់រាល់ថ្ងៃ គួរបញ្ឈប់ចាប់ពីពេលនេះទៅ ព្រោះអ្នកជំនាញបានបញ្ជាក់ថា ការកក់សក់ច្រើនដងពុំមានផលល្អចំពោះសក់ឡើយ។

អ្នកជំនាញផ្នែកសក់ជាច្រើន បានយល់ស្របថាការកក់សក់គួរធ្វើឡើងច្រើនបំផុតត្រឹម ២ ឬ ៣ដងក្នុងមួយសប្ដាហ៍ទើបជាការល្អ។ លើសពីនេះទៅទៀត ជាងកាត់សក់មួយចំនួន ថែមទាំងផ្ដល់ដំបូន្មានថាមិនឲ្យប្រើសាប៊ូកក់សក់ទៀតផង ព្រោះសាប៊ូភាគច្រើនអាចធ្វើឲ្យសក់ខូចនៅពេលប្រើប្រាស់ហួសប្រមាណ។ សាប៊ូខ្លះអាចមានផ្ទុកសារធាតុអាស៊ីដ និងសារធាតុគីមីផ្សេងៗទៀតជាច្រើន។ នៅពេលប្រើប្រាស់ សារធាតុទាំងនោះនឹងបំផ្លាញជាតិប្រេងទាំងឡាយដែលជួយថែរក្សាសុខភាពសក់។

លោក Van Cappizzano ដែលជាអ្នកជំនាញផ្នែកសក់ម្នាក់ បាននិយាយថា "កុំគិតថាសក់ដូចក្ដារខៀន" មានន័យថា អ្នកមិនចាំបាច់ដុសសម្អាតដោយប្រើសាប៊ូច្រើនពេកទេ។ ផ្ទុយមកវិញ គួរចាត់ទុកសក់ដូចជាដើមឈើ ដែលត្រូវការអាហារបំប៉ន និងការយកចិត្តទុកដាក់។

ទោះយ៉ាងណា ការងូតទឹកច្រើនមិនប៉ះពាល់ដល់សុខភាពសក់ទេ ហើយរាល់ពេលងូតទឹកក្ដៅគួរត្រដុសសម្អាតសក់និងស្បែកក្បាលឲ្យបានញឹកញាប់។ ការធ្វើបែបនេះ អាចជួយជម្រុះកោសិកាស្បែកក្បាលចាស់ៗដែលខូច(អង្គែរ) និងកម្ចាត់ភាពកខ្វក់នានា៕

ចុចអាន៖ វិធីងាយៗតែ៥នាទីកម្ចាត់មុនក្បាលខ្មៅចេញពីផ្ទៃមុខ

ចុចអាន៖ វិធី៦យ៉ាង ជួយបំបាត់បញ្ហាក្លិនក្លៀកបានយ៉ាងរហ័ស

ប្រែសម្រួល៖ គង់ វិសាល

ប្រភព៖ businessinsider